| اشعار عامية ........... على سلامة | |
|
|
كاتب الموضوع | رسالة |
---|
Wa7iD المدير العام
عدد الرسائل : 3376 العمر : 46 العمل/الترفيه : محامى تقييم العضو : 0 تاريخ التسجيل : 27/07/2007
| موضوع: اشعار عامية ........... على سلامة الثلاثاء 01 يناير 2008, 11:13 pm | |
| خايف أصحى مالاقيش مصر -------------------------- ----
ساعات بقلق بالليل يعني بالليل شوية كده قبل الفجر حسب الظروف كده بعد العصر
خايف يوم أصحي.. وأفتح الشباك.. مالاقيش مصر
ألاقيها لمت هدومها ومشيت لمت هدومها علي نيلها علي هرمها وطفشت وحلفت ميت يمين ماهي قاعدلنا ماهي زهقت.. تعبت.. إتخنقت أصلنا زودناها.. أكننا استعمرناها.. ورثناها
مصر البنوتةالحلوة اللي زي القمر بقت عجوزة وشايبة وبان عليها الكبر
خايف يوم أصحي.. وأفتح الشباك.. مالاقيش مصر
_________________________________
مش أنا امبارح رحت من بيتنا في السيدة للشغل في حلون في سبع دقايق لا شوفت حد زعلان ولا حد متضايق والورد إنسان والنخل متعايق والناس جميلة مؤدبة والجو رايق والدنيا ماشية لوحدها ولا حد سايق ومش انا امبارح برضه رجعت من الشغل في حلوان لبيتنا في السيدة في خمس دقايق لا حاسس بغربة ولا شايف غريب وقلبي ابيض حليب عندليب كروان فرحان شايل ف قلبي وف جيوبي الفرح أشكال وألوان وزعت ع الشوارع والبيوت والجيران وطلعت البيت ضربت الجرس فتحت مراتي وبالأحضان والعيال كمان فرحانين ناجحين وجايبين الدرجات النهائية من غير دروس خصوصية قمنا رقصنا وغنينا واحتفلنا واتغدينا فضلة خيرك سمك واستاكوزا وجمبري م الكبير وحلينا ب مهلبية وشربنا الشاي كمان وفجأة لقيتني بردان بردان بصيت لقيت الشباك مفتوح ومفيش بطانية ومراتي جنبي وزي ما هيه لسة بتعاني من آلام المفاصل وده اللي حاصل والحمد لله على كل شيء
عدل سابقا من قبل Wa7iD في الإثنين 23 يونيو 2008, 5:02 pm عدل 1 مرات | |
|
| |
Wa7iD المدير العام
عدد الرسائل : 3376 العمر : 46 العمل/الترفيه : محامى تقييم العضو : 0 تاريخ التسجيل : 27/07/2007
| موضوع: رد: اشعار عامية ........... على سلامة الثلاثاء 01 يناير 2008, 11:17 pm | |
| بص .. حا أقولك ... م الأخر ... أنا عندي عربيه ... مركبتهاش … ومعايا فلوس ... مكسبتهاش …. وجوزوني بنت حلوة ... محبتهاش …. وإشتريت بدلة جديدة ... ملبستهاش …. كسرت الحمام وغيرتة محستش بأي إنتعاش .. خدت بعضي علي جنب ... وكان يوم حر ... رطوبة ... وقولت لروحي .... إيه ياعم ... إنت طوبة ..... قاللي لأ .... يا صحبي دي حسبة ... ومحسوبة … أنا أصلي زمان ..... لمست قلبي .. غنوة حب جميلة ... جميلة لكن يا خسارة ... محضنتهاش ----------------------------عيرة _____
الشعر عيرة والكحل عيرة والورد فوق الخد ولحد الضفيرة عيرة الصبر عيرة والضحك عيرة والفرح والأحزان كمان وحاجات كتيرة حتى الحنان جوه البيوت حتى الكلام...حتي السكوت حتى الهتاف جوه المسيرة برضه عيرة حيرني حيرة بقينا ليه حبة حاجات قمصان بدل على بالونات ما بقيتش شايف إيه اللي جاي وإيه اللي فات ما بقيتش افرق ده أزرق ده ولا أحمر رمادي ودي كارثة ولا ده وضع عادي وده طفل ولا راجل عجوز وده إيه ده راخر جايز يجوز نعسان ده ولا ساكت وساير بردان ده ولا ده دور وداير وده إحنا ولا الكل حاير عيرة : بالعامية المصرية تعنى مزيف ---------------------------------------------------------------------مــــــــــــــــــرايا
قلت أبص ف المرايا .. يمكن أكون إحلويت .. فضلت داير أبص .. مخلتش ولا مرايا ف البيت .. في الحمام ف الأودة ف دولاب .. أو متعلقة ع الحيط .. شوفت .. سكت شويه .. وبعدين إتخضيت .. معقول أنا قضيت العمر ده كله .. وزي ما روحت زي ما جيت .. معقول أنا عمري مافكرت ولا إتغيرت ولا حبيت .. وإزاي ساكت علي روحي ده كله .. وليه إستنيت ... ! يا ريتني ما كان عندي مرايا .. وياريتني ما بصيت ..
-------------------------------------------------------------------- الواد ابنى ابو لسان طويل قالى يعنى سافرت يا بابا واتغربت مشوار طويل وف الاخر راجع.. ف شارع متفرع من شارع وشقه فى الدور الرابع.. ودولار نزل طالع... وشويا حاجات.. دكان مستنى التراخيص.. ومكنسه على خلاط وكمبيوتر مش نافع... من الاخر معرفتش تتصرف.. مقدرتش تقول لاء مش مسافر... ..... منين الكحه دى يا بابا... دى عمر..!! ولابرد... ولا سجاير..! ..... انت عارف يا بابا انا بقالى اد ايه بستناك؟؟
ايه يا بابا انت هاتعيط .... ده انا كنت بهزر معاك... كنت بهزر معاك | |
|
| |
Wa7iD المدير العام
عدد الرسائل : 3376 العمر : 46 العمل/الترفيه : محامى تقييم العضو : 0 تاريخ التسجيل : 27/07/2007
| موضوع: رد: اشعار عامية ........... على سلامة الثلاثاء 01 يناير 2008, 11:20 pm | |
| مش دى .. بطاقتى وده .. رقمى القومى ودى .. الحقيقة .. وده الخيال .... ومش دي الخريطة .. ودي المدينة .. وده المحور .. وده المترو .. وكده يمين .. وكده شمال .. مش ده ظابط .. وده عسكرى .. وده طبيب .. وده كمسرى .. وده منجد .. وده بقال .. مش ده جامع .. ودى مدرسة وده بيت دعارة .. وده سمسار .. وده شيال ..... مش ده فستان .. ودى جلابيه وده شورت .. وده مفيش .. وده شال .... مش ده اتوبيس .. ودى عجلة ودول حمير .... ودولا جمال ..... مش ده عمى .. ودى أختى و دول صحابى .. وده كمال .... مش ده شارعنا .. وده بيتنا .. ودى مراتى .. ودولا العيال ... مش ده الوطن .. وده المواطن ... وده التاريخ .. اللى إتقال ... أمال ليه .. كل ما اروح فى حته و أسأل سوأل .... يقولولي .. جايز ... يمكن .... إحتمال -----------------------------------كتاب القراءة
بمنتهي البراءة ... سأليتني … بنتي نور .... ف أربع خمس .. أمور … مش ف كتاب القراءة .... قالتلي .. بابا بابا .. مش إنت .. يا بابا .. بتكتب أغاني .. وتقول أشعار .. أنا سمعت .. الشيخ يا بابا ... بيقول إنك يا بابا … ها تروح النار ... زي الوحشين يا بابا ... الحراميين الكفار .... قوللي يا بابا .... يعني إيه إستعمار .... يعني إيه نيل ... يعني إيه هرم .. ومين اللي حط ... النسر فوق العلم ... يعني إيه يا بابا ... إستفتاء …. و يعني إيه إنتخاب ... ويعني إيه حر ... ويعني إيه نصاب…. يعني إيه إختلاس .. ويعني إيه هجاص .. ويعني إيه خصخصة .. يعني إيه يا بابا .... دستور …. يعني إيه معارضة .. ويعني إيه مظاهرة .. وليه النهاردة ... خدنا أجازة ... م المدرسة ..... قوللي يا بابا .... يعني إيه قهر .. وفين … خط الفقر ... ويعني إيه حظ .. ويعني إيه زهر ... يعني إيه يا بابا ... حريه ….. يعني إيه إنسان .. ويعني إيه سرطان ... يعني إيه يا بابا ... خربوها …. ومين دول يا بابا .. ولاد القطقوطة ... ومين دي ... سمارة يا بابا .... وإزاي يا بابا ... ضاعت من قلبك ... يا بابا ..... إنت معايا .... فيه يا بابا ناس ... بتقول كفايه ... وفيه كمان عساكر ... مسكين عصايا ... وبنات متعورين ... وتانين … ماشين بيضحكوا ... هما دول إسرائلين .. يا بابا ..... ويعني إيه ... ويعني إيه ... قولتلها …. نور ….. ممكن أسألك سؤال قالتلي …. إتفضل يا بابا ... قلتلها …. هيه قناة Space toon ... رقم كام ….. وخدتها ..... عشان تنام---------------------------------- الله عليك يا سلامه يا عمى قاعد تقول كلام عمى زى متكون بتوصف اللى فى القلوب وكله عمى اول مره قيرت كلامك جريت على عمى قلتله اسمع يا عمى سلامه بيتكلم عمى وبيقول احلى كلام عمى عمى ضحك وقالى مش ده سلامه يا ابن اخوى قلته اه يا عمى ده سلامه اللى بيقول الكلام عمى قالى وانا ابقى ايه ليك قلته انت عمى
ومخدتش بالى ان عمى كان اسمه سلامه
| |
|
| |
Wa7iD المدير العام
عدد الرسائل : 3376 العمر : 46 العمل/الترفيه : محامى تقييم العضو : 0 تاريخ التسجيل : 27/07/2007
| موضوع: رد: اشعار عامية ........... على سلامة الثلاثاء 01 يناير 2008, 11:22 pm | |
| أنا المواطن نقط نقط نقط
ولا بتهان وأسكت زى زمان
أنا بصرخ وأكتب وأبعت وأتكلم ...
وأسمع بقى يا معلم ...
أنا المواطن نقط نقط نقط.... رقم قومى نقط نقط نقط... محل الأقامة نقط نقط نقط بجوار البنزينة
بصراحة حرام تعملوا فينا نقط نقط نقط... وتطلعوا نقط ونقط أهالينا ... عملتوا انتخابات وكلها نقط نقط نقط ... وشيلتوا وحطيتوا حاجات نقط نقط نقط ... بصراحة ... أنا بقيت قدام مراتى حاسس انى مش نقط خالص ... وأقولها نفسى أبقلى نقط بجد .. تقولى يا اخويا ماتحرقش دمك محدش بينفع حد... حسك ف الدنيا .. بكرة تبقى نقط نقط نقط ....!!!
------------------------------------------------------------ <hr style="COLOR: #6884b3" SIZE=1>وإحنا لسه في إبتدائي ..
وسط اوراقى القديمة ....
اللى لسه منها باقى ...
شوفت صورتى بين زميلى ...
و احنا لسه فى إبتدائي ...
الوشوش كانت بسيطة ...
طاهرة لكن مش عبيطة ..
نرسم الأحلام خريطة ....
فى قلبها نقطة تلاقي ....
هو صاحبى
لما كان فى الدنيا صاحب
اما دول كانوم جيرانى .....
كل واحد فينا حقق ...
جزء من بعض الأمانى ...
ا ما دى الشاطرة البليدة ....
العنيدة أم الضفاير ….
تبقى حبى الأولانى .....
أد ايه حزنت عليها ...
لما راحت فصل تانى ....
ما احنا كنا تخته واحده ...
فى تانيه تالت ...
مره قلت ...
و هى قالت ..
لما مدت ايدها شالت ..
دمعة وقعت غصب عنى ....
جوه كراسة الحساب ..
كنا لسه صفحه بيضه فى الكتاب ...
الوشوش كانت بسيطه ....
طاهرة لكن مش عبيطه ...
نرسم الأحلام خريطة ...
فى قلبها نقطة تلاقى ...
واحنا لسه فى أبتدائي-------------------------------------------........ميدان الجيزه
ضيعت شوية سنين كده .. بحب من بعيد لبعيد .. والحكاية مقضياني .. ومبسوط وراضي وسعيد .. أفرح بأي حاجة .. وأستني هدوم العيد .. و بعدين ضيعت شوية سنين ... نفسي أبقي أشطر واحد في الكيميا .. مع إني مش فاهم ميدان الجيزة .. والحياة رغم قسوتها .. شايفها لذيذة .. وضيعت شوية سنين بقي .. نفسي أعدي أحتبارات الكورة .. في النادي الأهلي .. وأشتغل في وكالة ناسا .. وأبقي واحد م العلماء المهمين .. و بعدين ضيعت شوية سنين .. منتهي أملي كرسي فاضي .. في أتوبيس تلات خمسات .. عين الصيرة أم المصرين .. وضيعت شوية سنين .. عايز أفهم الفرق .. بين النكسة والهزيمة .. والأحترام وقلة القيمة .. و أبقي نجم سيما .. م المشهورين .. وبعدين ضيعت شوية سنين ... واقف عند نظرية المؤامرة .. لا عارف أعيش ف الزمالك .. ولا راضي أعيش ف غمرة .. ومش عارف ليه .. الحشيش ممنوع .. مدام مصرحين بالخمرة .. وياتري بقي أتجوز .. واحدة بيضة ولا سمرة .. ولا أسأل فيها .. رجال الفتوي والدين .. وضيعت شوية سنين .. مركز ف السيراميك والبيبان والشبابيك .. وألوان الحيطان .. وده بيج وده سن فيل .. والمودة الأصفر .. قشر الموزة .. وضيعت شوية سنين .. لا انا بحر ولا نيل .. حاجة كده بعيد عنك .. ملهاش عوزة .. ولما بقيت كام وخمسين ... لقيتني لسه .. بحب من بعيد لبعيد .. وبرضة مش فاهم .. ميدان الجيزة ...-------------------------------------[center]رجل الترابيزة ___________
يا عم قول كلام منطقى تخبط صباع رجلك .. ف رجل الترابيزة وتبكى وتشتكى .. وتحط مراهم يفش الورم .. ويروح شوية الألم وترجع تتخبط وترجع تبكى تانى وتشتكى .. ياعم شوف قلبك ولا ده مش بتاعك يا عم شوفلك حل يا تبيع الترابيزة .. يا تقطع صباعك ..
[/center] | |
|
| |
Wa7iD المدير العام
عدد الرسائل : 3376 العمر : 46 العمل/الترفيه : محامى تقييم العضو : 0 تاريخ التسجيل : 27/07/2007
| موضوع: رد: اشعار عامية ........... على سلامة الثلاثاء 01 يناير 2008, 11:24 pm | |
| .... بايظة
بايظة بايظة .. هي بايظة ... والنهاردة معدش حد… بيدي جايزة .. يبقي أحسن .. خللي بالك .. انسي همك .. ضغط دمك .. سيبها ماشية .. بدعوة امك .. مستحيل يقدر يضمك حضن خايف ... وأنت شايف ... ده اللي لاهي ... واللي ضايع ف الملاهي… واللي ساكت بس ساهي ... واللي حاله زي حالك .. يعني إيه .. يعني بايظة هي بايظة ... بايظة .. بايظة مرة حرة وبت جدعة.. ومرة يعني .. ومرة وقعة .. وبمزاجها .. يعنى لما بتبقي عايزة .. تبقي بايظة .. بتبقي بايظة-----------------------------------بقول لهم مين اللي بيعيط بحرقة دة؟ قالوا لي مواطن اتصور وهو بينضرب قلت لهم ومين الأمور اللي بيضحك دة؟ قالوا لي دة واحد عمل شوية كوارث وهرب قلت لهم والدنيا عتمة هناك كدة ليه؟ قالوا لي دي حتة جديدة بتتخرب قلت لهم ومين الحاوي اللي بيتكلم دة؟ قالوا لي دة الوضع بيتقلب وايه الهيصة اللي في الساحل الشمالي دي؟ قالوا لي دي البقرة بتتحلب قلت لهم وانتوا قلقلين كدة ليه؟ قالوا لي اصل بنلاعب الكاميرون وخايفين نتغلب--------------------------------------[center]........لب وسوداني
بقول لها .. ما تيجي نهزر .. نجري ونلعب .. ونكسر كل الحاجات .. ونجيب م اللي فات .. يومين حلوين .... قالتلي والنبي إنت فايق ورايق .. قولتلها ... طب وليه نتضايق .. إحنا لسه صغيرين .. وأكبر عيالنا .. يا دوب تسع سنين .. يعني لو بنحكم مصر .. تبقي يا دوب لفة ونص .. مش عشرين .. - وطي صوتك البت بتذاكر .. والواد مصدقت إنه نام ... إنما إيه اللي صحي ف قلبك .. من تاني الغرام .. قولتلها جوايا كلمتين غزل .. قالتلي والنبي إنت عسل .. بس الظروف .. - مالها الظروف .. فاكرة لما كنتي .. بتحوشي م المصروف .. جبتيلي ورد ف عيد ميلادي .. - وجبتلك بلوفر صوف .. - وجبتيلي بلوفر صوف .. - فاكر لما بوستني .. وإحنا لسه مخطوبين وأبويا لاحظ .. يالهوي كنت هموت م الكسوف - فاكرةأول مرة قلت لك بحبك .. وشك إحمر .. - إنت اللي وشك كان مخطوف .. - مش إنتي كنتي بترسمي زمان .. - وإنت كمان كنت بتكتب شعر .. - هو احنا بطلنا نحس .. - إحنا بطلنا نشوف ... وطلعنا اللب والسوداني .. وفتحنا التليفزيون .. وسكتنا تاني .. ولا زال السبب .. غير معروف .. غير معروف----------------------------------------------------[center]استراحه ع الصحراوي الجو نار سايق ومحدش معايا غيري انا والذكريات وحبه حاجات ازازه الميه ونظره عينيا اللي شايفها في المرايا بتبص لي من وقت للتاني بغباء كانها عارفه الحكايه او واخده بالها من الطريق مر السفر من غير صديق اول شمال احود ولف الغنوه سكتت والشريط عمال يسف وازاي تخف ياالم من غير جراحه ادي استراحه دماغي محتاجه الصراحه وقلبي محتاج الحنان ازكن هنا اشرب ياعم قهوتك ويالاا علشان نلحق مكان قبل الغروب واوعي الردار يسحب ف لحظه غنوتك معش فاضل في الطريق ولا استراحه__------------------------------------------------------[center]على باب السفاره...... -------------------------- ----- ...على باب سفارة كندا ..لمحت ابليس و ف ايده استماره ..بقول له على فين ..قاللي بص ..يا هجره يا اعاره ..يا عم زهقت كفرت ..الاقيش معاك سيجاره ..انا انتهيت خلاص ..لا نافع وسواس ولا خناس ..ولا ليا عيش وسط الناس دي عالم مجرمين ..عندكوا فائض ف الفساد ..في كل البلاد ..ومش محتاجين شياطين ..مليش عيش ف البلد دي ....بقالي سنين عاطل ...و انتوا بتعرفوا ..تقلبوا الحق باطل ..و تسلكوا القاتل ..و تمشوا ف جنازة المقتول ..ومفيش مشاكل ..يا عم ده انا بقيت أوسوس بالمقلوب ...و أقول للحرامي كفايه بقى توب ..انت هاتعمل كل الذنوب لوحدك ...و أنا ابليس أشتغل واعظ ..ولا كمساري ف اتوبيس ..يا عم ده انا زمان ..كنت استنى حد ينسى يسمي ..وهو بياكل لقمته ..دلوقتي كل اكلكم ملوث ..و بصراحه الواحد خايف على صحته ...ده مفيش ضمير اساسا ..عشان اموته ..و كل واحد بمزاجه ..خربانه ذمته ...يا عم ده كل حاجه اتسرقت ..وكده الاجيال الجديده ..م الحراميه اتظلمت ..يا راجل ده من كتر ما لطشت معايا ..خرجت ف مظاهره ..مع الناس اللي بتقول كفايه ...و برضه مفيش فايده [/center] [/center] [/center] | |
|
| |
Wa7iD المدير العام
عدد الرسائل : 3376 العمر : 46 العمل/الترفيه : محامى تقييم العضو : 0 تاريخ التسجيل : 27/07/2007
| موضوع: رد: اشعار عامية ........... على سلامة الثلاثاء 01 يناير 2008, 11:25 pm | |
| احب العسل
واموت فى الكسل
ووقت الازمه اقول فى العشق حكمه ومثل
وبس خلاص
اهجص الاقى ميت مليون هجاص
افكر...... هس.... ولا صوت ولا ناس
لانى كده ثقافه وعلم يادوب فى الفيلم فى الكراس
وراسى زى اكبر راس
مفيش احلام مفيش احساس ---------------------------------------- | |
|
| |
3yOoN_EL7uB
عدد الرسائل : 154 العمر : 47 Personalized field : Personalized field : تقييم العضو : 0 تاريخ التسجيل : 14/01/2008
| موضوع: رد: اشعار عامية ........... على سلامة الأحد 27 يناير 2008, 6:55 pm | |
| من الاخر كدة مصر ليها حق تاخد هدومها وتعزل دنتا عقدتنى انا شخصيا مش هاتعقد مصر :shock: | |
|
| |
Wa7iD المدير العام
عدد الرسائل : 3376 العمر : 46 العمل/الترفيه : محامى تقييم العضو : 0 تاريخ التسجيل : 27/07/2007
| موضوع: رد: اشعار عامية ........... على سلامة الثلاثاء 27 مايو 2008, 11:36 am | |
| أنا عندي هشهشة... ومشاكل ف العظام.. ولوحة مزركشة.. ماعرفش تساوي كام.. وعندي شقة بحري.. وتري الأهرام.. الشمس تخشها.. يادوب قبل الضلام.. أنا عندي آمال عريضة.. وفرحة لكن بعيدة.. جوايا حاجات بتضحك.. لكن مش سعيدة... وعندي شهادة عالية.. وبلاوي كتير بليدة.. وبالليل قبل أما أروح.. آخد في إيدي جريدة. ألاقي الدنيا لسه.... بتقول نفس الكلام.... | |
|
| |
Wa7iD المدير العام
عدد الرسائل : 3376 العمر : 46 العمل/الترفيه : محامى تقييم العضو : 0 تاريخ التسجيل : 27/07/2007
| موضوع: رد: اشعار عامية ........... على سلامة الثلاثاء 27 مايو 2008, 11:41 am | |
| نماذج امتحانات
س: ارتفاع أسعار جميع السلع؟ ج: ماحدش قالك تجيب س: استمرار طوابير العيش؟ ج: كل شيء قسمة ونصيب س: أين يعيش المواطن المصري؟ ج: أسفل كوبري المنيب س: اتكلم عن أحلامك؟ ج: كحك بسمسم مع كوباية شاي بالحليب قوللي يامعلم تعرف إيه عن: س: قانون الطوارئ؟ ج: فعل أمر س: الغاز المصري؟ ج: اسأل الأستاذ عمرو س: وأنا وإنت؟ ج: نرقص ع السلم.. نبلع الزلط.. نصاحب الغلط.. ونمشي ع الجمر.. طب إعرب بقي يامعلم: المواطن المصري وش مرمطة المواطن: مفعول به مجرور من قفاه المصري: منصوب عليه لا قدامه ولا وراه وش: خبر أسود مرمطة: ربنا بقي ع المفتري ولا حولة ولا قوة إلا بالله مع أطيب تمنياتي بالنجاح
| |
|
| |
roly مشرف قسم الرعب العام
عدد الرسائل : 1294 العمر : 38 العمل/الترفيه : عاطل بالوراثه Personalized field : Personalized field : Personalized field : تقييم العضو : 0 تاريخ التسجيل : 07/03/2008
| موضوع: رد: اشعار عامية ........... على سلامة الثلاثاء 27 مايو 2008, 12:58 pm | |
| رحت من بيتنا في السيدة للشغل في حلون في سبع دقايق
رجعت من الشغل في حلوان لبيتنا في السيدة في خمس دقايق
شوف انا سكت لما قولت انك رحت فى سبع دقايق انما لما تقولى انك رجعت فى خمس دقايق يبقى لازم اتكلم سلفنى الاسكوتر اللى بتروح بيه الشغل لفه طب اعمل بيه غرزه واحد بس برافو عليك فعلآ ياوحيد اا بحب جدآ الشعر العامى لانى بحس بيه اوى بحس انه بيتكلم فى الصح واحب اهجص الاقى ميت مليون هجاص وبعدين انا عندى سؤال هيا هشهشة...دى على وزن خصخصه طب إعرب بقي يامعلم: المواطن المصري وش مرمطة المواطن: مفعول به مجرور من قفاه المصري: منصوب عليه لا قدامه ولا وراه وش: خبر أسود مرمطة: ربنا بقي ع المفتري ولا حولة ولا قوة إلا بالله | |
|
| |
لحن الحب الحزين إدارة المنتدى
عدد الرسائل : 5303 العمر : 35 Personalized field : Personalized field : Personalized field : تقييم العضو : 2 تاريخ التسجيل : 01/02/2008
| موضوع: رد: اشعار عامية ........... على سلامة الخميس 12 يونيو 2008, 12:17 pm | |
| تسلم اديك يا رائع مش عارفة اقول اية اللى رائع انت ولا الموضوع ياريت يا وحيد تثيتة | |
|
| |
II~m.samy~II المدير العام
عدد الرسائل : 8573 العمر : 36 العمل/الترفيه : رئيس الجمهورية Personalized field : تقييم العضو : 3 تاريخ التسجيل : 27/07/2007
| موضوع: رد: اشعار عامية ........... على سلامة الجمعة 13 يونيو 2008, 12:02 am | |
| الله ينور يا رجالة روحنا فى داهية والحمد الله | |
|
| |
لحن الحب الحزين إدارة المنتدى
عدد الرسائل : 5303 العمر : 35 Personalized field : Personalized field : Personalized field : تقييم العضو : 2 تاريخ التسجيل : 01/02/2008
| موضوع: رد: اشعار عامية ........... على سلامة الجمعة 13 يونيو 2008, 9:08 pm | |
| يا عم يعنى هية جت عالمرة دى قلبك ابيض دة انا اليومين دول بامشى متخفية | |
|
| |
II~m.samy~II المدير العام
عدد الرسائل : 8573 العمر : 36 العمل/الترفيه : رئيس الجمهورية Personalized field : تقييم العضو : 3 تاريخ التسجيل : 27/07/2007
| موضوع: رد: اشعار عامية ........... على سلامة الجمعة 13 يونيو 2008, 9:12 pm | |
| أنتى بتمشمشى متخفية انا بمشى بقى ومجهز معايا العيش والحلاوة عشان سمعت انهم مبقوش يوزعوه ببلاش ومش عارف الظروف باخدهم معايا | |
|
| |
لحن الحب الحزين إدارة المنتدى
عدد الرسائل : 5303 العمر : 35 Personalized field : Personalized field : Personalized field : تقييم العضو : 2 تاريخ التسجيل : 01/02/2008
| موضوع: رد: اشعار عامية ........... على سلامة الجمعة 13 يونيو 2008, 9:14 pm | |
| كويس انك لفت نظرى يلا اهو نعمل حسابنا | |
|
| |
II~m.samy~II المدير العام
عدد الرسائل : 8573 العمر : 36 العمل/الترفيه : رئيس الجمهورية Personalized field : تقييم العضو : 3 تاريخ التسجيل : 27/07/2007
| موضوع: رد: اشعار عامية ........... على سلامة الأربعاء 27 أغسطس 2008, 11:36 am | |
| اه لازم نعمل حسابنا فى كل حاجة اليومين دول الواحد ميضمنش ظروفه بقى | |
|
| |
لحن الحب الحزين إدارة المنتدى
عدد الرسائل : 5303 العمر : 35 Personalized field : Personalized field : Personalized field : تقييم العضو : 2 تاريخ التسجيل : 01/02/2008
| موضوع: رد: اشعار عامية ........... على سلامة الأربعاء 27 أغسطس 2008, 9:52 pm | |
| هههههههههههههههههه ايوة لازم نكون جاهزين | |
|
| |
ندي
عدد الرسائل : 213 العمر : 36 Personalized field : تقييم العضو : 0 تاريخ التسجيل : 20/06/2008
| موضوع: رد: اشعار عامية ........... على سلامة الخميس 28 أغسطس 2008, 1:09 am | |
| الله الله الله ياوحيد يا جامد بجد تسلم إيدك | |
|
| |
نور الهدى
عدد الرسائل : 308 العمر : 43 Personalized field : تقييم العضو : 0 تاريخ التسجيل : 10/09/2008
| موضوع: رد: اشعار عامية ........... على سلامة الأربعاء 31 ديسمبر 2008, 8:41 am | |
| [img] [/img] | |
|
| |
| اشعار عامية ........... على سلامة | |
|