التواصل بين اعضاء المنتدى

.
السلام عليكم
بدايه اى حب تعارف واللى بينا حب الاصدقاءء وحب الاخوات فيلا بينا نتعرف على بعض اهلا وسهلا باعضاء منتدى وسط البلد
المنتدى زى البيت الكبير اللى بيجمعنا كلنا (منتدى وسط البلد) وكل اهل البيت بيعرفوا بعض بس لسه
الاعضاء ميعفروش بعض
هو الموضوع دا عباره عن ان كل عضو هيدخل هيكتب شويه حاجات عن نفسه منها (الاسم-السن-البلد-كيف وصل له هذا المنتدى-حلم حياته-الحب فى حياته)اشياء من هذا القبيل وانا اول الاعضاء اللى هيقوموا بتقعيل هذا الموضوع

الاسم :محمد الحسينى والشهره نور الحسينى

السن21 سنه

البلد :مصرى الجنسه/ المنصوره

وصل الى المنتدى :من خلال صديق عمرى محمد سامى وهو مصمم المنتدى

حلم حياتى:ليس عندى حلم لان الحلم بياخذ الانسان من ارض الواقع لكن عندى مسمى تانى تحت اسم الهدف وهدفى انى اكون مؤلف وسينارست واعلامى وانا فعلا بدات اكتب وكتبت قصه فلم من جزئين وخلصت قصه فليمن وحاليا منتظر لحد ما انتهى من الدراسه وهبدأ اخد دورات فى كتابه السيناريو والحوار

الحب:ليس له مكان فى حياتى فى هذه الايام

اسعد ايامى :هو اليوم الذى تم رفض قبول ملفى فى الكليه الحربيه الكل ممكن يستغرب فى حد بيفرح علشان اترفض ان هو يدخل الكليه الحربيه انا هقول ايوه لانى مومن بالنصيب ومومن ان لو الانسان ليه نصيب فى شى هيحصل وانا ببساطه مفيش ليا نصيب فى الكليه دى

اتعس ايامى:اظن ان اليوم دا مجاش لسه ويارب ما يجيى.

ارجو تفعيل الموضوع من كل اعضاء منتدى وسط البلد

بسم الله الرحمن الرحيم

بصراحة يا محمد موضوع رائع ومن خلاله ممكن نقرب اعضاء المنتدى من بعض اكتر من كدا

مشكور على الفكرة وعلى الموضوع الجميل وانا انشاء الله لكون تانى واحد اعرف نفسى :

الاسم / محمد سامى

البلد / مصرى (المنصورة)

وصل الى المنتدى / مش عارف هو جالى منين بس انا اعرف اننا مدير المنتدى

حلم حياتى / مقدرش احلم بحاجة لان الاحلام عمتا فى اليومين دول اصبح مستحيل تحقيقها

الحب / والله حاليا محصليش الشرف اساسا كدا كدا مبقتش اعتقد فى كلمة بحبك لانها مبقتش موجودة ولو كانت موجودة يبقى اكيد مجرد شعار صعب تحقيقها

اسعد ايامى/ يوم ماشوفت احبابى اعضاء وسط البلد ههههههه
اتعس ايامى /مقدرش اقول على يوم تعيس كل ايام ربنا كويسة

*********************************************************

ده انا يا جماعة وبصراحة

ارجو/ من كل الاعضاء المشاركة ولو حتى بكلمة شكر لكاتب الموضوع نحسسه انه بيشتغل بس

شكراااااااااااااااااااااااااااااااا

السلام عليكم ورحمة الله

هو الموضوع من حيث الفكرة جميلة بجد بس ممكن بعد اذنكم البنات ممكن متقدرش تقول على اسمائهم الحقيقية فلو ممكن نقول اسم مستعار اوك ياريت تقبلو الفكرة

وانا هكون ثالث واحدة تعرف نفسها فى وسط اخوانى هنا
الاسم / بوسى

السن /18 سنة
البلد /اسكندرية

وصل الى المنتدى / كنت بعمل سيرش عن موضوع فى جوجل
حلم حياتى /انى اخلص دراسة والاقى شريك حياتى الى يحبنى ويخاف عليه

الحب /لسة مفيش نصيب او لسة ملقتش الانسان الى احبه
اسعد ايامى / كل ايامى حلوة وكل ماشوف اصحابى بخير
اتعس ايامى / ربنا ميجيبش ايام تعيسة ويخليى كل ايام فرح

وشكرااااااااااااااااااااااااااااا

***********************************
تحياتي
بوسى

السلام عليكم ورحمة الله

فعلا الموضوع جميل جدا زي ما قالت بوسي وانا معاها في ان البنات ممكن يقولو اسماء مستعاره الحمد لله اني ولد وممكن اقول اسمي في اي مكانالا لو اشتركت في منتدى يكون كله من الجنس الناعم الوضع هيختلف كلهم هيقولو اسمأهم وانا طبعا هكون مكسوف وأقول انا اسم مستعار عموما ندخل في الموضوع
الاسم /علي

السن /18 عام بس في اواخر ال18
البلد /المنصوره عروس النيل بس للاسف اليومين دول ممكن نقول عليها عروس النيله بعد اللي بيحصل فيها

وصل الى المنتدى / طبعا عن طريق صديقي محمد سامي
حلم حياتى /اخلص الكليه واخلص الجيش واحضر ماجستير ودكتوراه وبعدين ادور ع مكان ينفع مستشفى وبعد كده ممكن ادور ع عروسه لو كان فيه وقت باقى :pale:

الحب /لسه شويه بس اكيد جاي قريب جداااااااااااااااااا
اسعد ايامى /الحمد لله كل ايامي جميلهبس طبعا يوم ما ما دخلت طب كان يوم ما يتنساش
اتعس ايامى / اكيد مر عليه ايام صعبه بس كان اصعبها يوم وفاه اعز اصدقائي ربنا يرحمه

وشكرااااااااااااااااااااااااااااا

مشكورين يا شباب واى بنت مش حابه تكلم عن اسمها الحقيقى اوك مفيش اى مانع ولو حابه متكلمش على جزء معين مش مشكله اهم حاجه ان كلنا اخوات ونعرف مين اللى معنا فى المنتدى واهلا وسهلا بيكم كلمك فى منتدى وسط البل

بجد يا جماعه الموضوع كويس جدااا وبازن الله كل الاعضاء الموجودين هنا في المنتدي هيشاركواا في الرد وفي المواضيع

*******************************

حورس :farao:

نايس موضوع يا محمد
وبالمرة اشارك انا كمان بقى اشمعنى انا
الاسم : وحيد كامل
السن : 30 سنة
البلد : المنصورة
وصل الى ا لمنتدى : بص يا سيدى انا وثلت للمنتدى عن طريق فكرة عملناها انا ومحمد سامى والفكرة بقيت مشروع والحمد لله اتنفذ ويا رب يكون عجب الجميع
حلم حياتى : ربنا يكرمنا فى حياتى العملية يا رب وانى احج بيت الله واكمل نص دينى
الحب : بصراحة كلمة كبييييييييييييييييييييرة اوى ليس لها وجود فى الحياة هى تكتب فقط فى القواميس ولكن ليس لها معنى حقيقى
اسعد ايامى : يوم تخرجى من حقوق ويوم ما سمعت خبر تاجيل الجيش
اتعس ايامى : يوم وفاة والدى
وشكرا

الاسم :دعاء

السن15 سنه

البلد :فلسطينية وافتخر بس انا مستغربة انو كل الي بالمنتدا من مصر

وصل الى المنتدى :من خلال صديق عمرى نور الحسيني

حلم حياتى:اني ادرس او اكمل الجامعة او يا ريت اكملها في مصر لاني كتير بحب مصر او اهلاها

الحب:في الو مكان بس الي بحبو مو حاسس بيا

اسعد ايامى :هو اليوم الي التقيت في بنور

اتعس ايامى:لسا ما اجا او يا ريت ما يجي.

وشكرا على الموضوع الروعة

دودو

الاسم / احمـــــــد فتحــــــى الشهرة/ ميــــــــــدو
السن 20 سنة ويوم بالظبط
البلد / ما دام كلكم من المنصورة انا من دكرنس اكيد عارفينها والاخت عاشقة القمر الفلسطينية انتى بتفتخرى ان انتى فلسطينية واحنا كمان كلنا بنفتخر بفلسطين واهلها وكل الفلسطينين اخواتنا واهلنا وبنحبهم اوى انتى مش غريبة بين اخواتك المصريين
وصلت للمنتدى من خلال صاحبى وانتيمى hema 14
حلم حياتى /ان انا اشتغل فى شركة دعاية واعلان كبيرة وبعدين الاقى بنت الحلال اللى احبها وتحبنى
الحب/ انا مرتبطش ولا انا مرتبط دلوقتى بس اكيد فى المستقبل هلاقى بنت الحلال
وانا مش معاكم بقى فى ان الحب مش موجود الحب موجود بس احنا اللى مش لاقيينة اصل الحب دة نعمة من عند ربنا بس احنا اللى دفناها ولا ايييييييييييييييييييية؟
الحمد لله ايامى كلها سعيدة ويارب تفضل سعيدة بس اسعد يوم هيبقى لما الاقى اللى تحبنى واحبها
اتعس ايامى / الايام اللى انا عايشها من غير حب
اخوكم الصغير/ ميــــــــدو اللذيـــــــــــــذ

موضوع جميل جدا ومكشور عليه جزيلا

الاسم/ محمود محمد والشهره جوست او العميل الاحمر بس جوست الاشهر
السن/22 سنه
البلد/ دكرنس - المنصوره
وصلت للمنتدى عن طريق ميدو اللذيذ اصحاب و جيران و عشرة عمر
حلم حياتي/ هو بصراحه كان حلم حياتي اني اكون مهندس الكترونيات بس محصلش نصيب وحاليا بعد ما اتخرجت الحمد لله حلم حياتي ان ربنا يرزقني بشغل محترم و كمان ببنت الحلال اللي تقدر تسعدني و تصوني في اهلي و مالي و عرضي
الحب/ الحب في حياتي ليه دور كبير جدا جدا حبيت مره واحده والعلاقه انتهت بسبب تدخل الاهل وحاليا مش مرتبط ومش بفكر الا في مستقبلي وبس
اسعد ايامي/ هو الحمد لله ايامي كلها حلوه بس فعلا اليوم اللي فرحت فيه جدا جدا جدا يوم التخرج انا كان هيغم عليا وانا بجيب النتيجه دخلت رقم الكارت 3 مرات غلط بس الحمد لله
اتعس ايامي/ كان يوم وفاة بنت اختي مي و بعدها ب 15 يوم وفاة بنت خالتي وهي كانت في نفس عمري تقريبا كان الكلام دا الصيف اللي فات دا

مشكور مره تانيه على فكرة الموضوع الجامد دا

تقبل خالص تحياتي
جوست

تسلم يا برنس على الموضوع الجميل
الاسم|| إبراهيم نصار
السن|| 21سنة
البلد|| المنصورة
أنا وصلت للمنتدى من خلال صحبى وصديقى وحبيبى عبدالله
حلم حياتى|| إنى أخلص كلية تجارة اللى مش عاوزة تخلص مش عارف لية
وأكون طماع لو اخدت تأجيل من الجيش وبعد كدة أسافر إيطاليا لأخوى
الكلام دة طبعا بعد بمشيئة الله تعالى وبإذنة
الحب|| هو الحقيقة كان موجود بس للأسف راح وأنا السبب فى كدة بس والله غصب عنى
وبحلم انى الاقى انسانة زيها ان شاء الله
أسعد أيامى || يوم ما عرفت إن أحمد نصار بخير
أتعس أيام حياتى|| يوم وفاة والدى

أسف على الازعاج وعلى الاطالة
كمان 1000 مرة تسلم على الموضوع الجميل
يخلينا نعرف بعض أكتر
والسلام عليكم