ahwak
عدد الرسائل : 14 العمر : 48 تقييم العضو : 1 تاريخ التسجيل : 12/12/2009
| موضوع: اخر قصيدة للشاعر : الشاعراحمد فؤاد نجـــم الثلاثاء 15 ديسمبر 2009, 1:03 am | |
| اخر قصيدة للشاعر : الشاعراحمد فؤاد نجـــم
نؤيد سيادتك لفترة جديدة نكمل خلالها المسيرة السعيدة و بالمرة فيها نبيع الحديدة مفيش حاجة تانية نبيعها خلاص
*****
نؤيد سيادتك لأجل المزيد من اللي تحقق بفضلك أكيد بقينا خلاص ع الحميد المجيد و ربك لوحده ف ايده الخلاص
*****
نبايع سيادته ولا حد غيره كفايا علينا نبرطع في خيره و نوم شعب مصر العظيمة و شخيره يقول للحرامي ما تسرق كمان
*****
نبايع سيادته وابنه وحفيده مفيش زي فكره قديمه و جديده خرابك يا مالطة حيحصل بايده ومين فيكي يعني بيسمع آذان
*****
نبوس ايد سيادتك و رجلك كمان تخليك معانا يا ريس عشان وجودك ضرورة فرضها الزمان و من غير وجودك حقيقي نضيع
*****
دي مصر بتاعتك و احنا ضيوفك كفايا علينا يا ريس نشوفك و عاذرين سيادتك و فاهمين ظروفك عليك بس تؤمر و احنا نطيع
*****
في جزمة سيادتك كلابك يبوسوا و فوق الغلابة بجزمهم يدوسوا و شعبك ليلاتي يا ريس غموسه مذلة و مهانة و حوجة و مر
*****
لكن يعني ما دمنا شعب انتساب و دايما وأبدا ف حالة غياب متعملش لينا يا ريس حساب دي عزبة سيادتك و فيها انت حر
*****
و دستور مدستورش مش فارقة خالص كلام فاضي كله يا فندم بناقص كفايا علينا الفساد اللي ماصص عرقنا و معشش و ضارب جذوره
*****
و ايه يعني تهري جتتنا البلاوي يوماتي كوارث فضايح رشاوي كفايا علينا القعاد في القهاوي بنستنى لما الوريث ييجي | |
|
II~m.samy~II المدير العام
عدد الرسائل : 8573 العمر : 36 العمل/الترفيه : رئيس الجمهورية Personalized field : تقييم العضو : 3 تاريخ التسجيل : 27/07/2007
| موضوع: رد: اخر قصيدة للشاعر : الشاعراحمد فؤاد نجـــم الخميس 17 ديسمبر 2009, 12:38 am | |
| انا مش عارف اقولك ايه بس ربنا يسترومحدش يشوفنا كلام فى سرك القصيدة روعة وهتودينا كلنا فى داهية تسلم ايديك ياباشا
| |
|