رجاء ضع رأيك وشارك معايا

السلام عليكم ورحمة الله وبركاته

ازيك يا احلى اعضاء فى اجمل منتدى

انا حبيبت اخد رأيكم فيه حاجة

عندى سؤال بس محتاجة الافادة

هو ليه الشخص دايما مش بيتجرح الا من اقرب الناس ليه
سواء قريب
او
حبيب
او حتى
صديق

ليه الواحد بيكون عايش ومش عايش

عايش مع الناس بس محدش قادر يحس بيه

بيشوف اقرب الناس ليه
بينظر ليهم
بس هما مش فاهمين معنى النظرة دى
مش حاسين انهم جرحوا
مش حاسين انهم باعوا
مش حاسين بانهم غدروا

ليه كل دة
مع ان اللى اعرفه ان اللى بيحب بيحس بالشخص اللى بيحبه

هو دة الحب ولا انا فهماه الحب غلط ولا ايه

ليه الجرح
وليه القسوة
وليه التعب دة كله

معلش طولت عليكم

بس يهمنة اعرف اراءكم
وشاركونى

وجزاكم الله كل خير

اولا : يا حبيبتى لا طولتى ولا حاجة وبعدين تطولى زى ماانتى عايزه
احنا تحت امرك يا حبيبتى

ثانيا : هرد عليكى فى موضوعك ده لانه بجد شدنى اوى
ممكن يكون اللى احنا مفكرينه بيحبنا يكون
بيخدعنى بس هو عرف يمثل علينا الحب ومثله علينا صح اوى لدرجة اننا مش
عرفنا نفرق بين الحب و الخداع والكذب وفهمنا بعد ما كنا خلاص اتعلقنا بيهم
سواء صديق اوحبيب او غيره

ومش دايما يا تويتى بنتجرح من اقرب الناس
ودايما انا مقتنعه زى ما فى الوحش فيه الحلو
والكويس واللى بيحبنا بجد وباخلاص وبيبقى مش عارف يعمل ايه عشان يرضينا
وهنا بقى لازم نقدره ونقدر اللى بيعمله عشانه وكل ده هنعرفه من خلال
مواقفه معانا
ونقدر بقى نفرق بين اللى بيحبنا بجد واللى بيمثل علينا الحب ونتجرح منه ويخدعنا من خلال المواقف الصعبه اللى ممكن نمر بيها فى حياتنا
صدقينى يا تويتى هتلاقيه بيضحى بكل حاجة عشان بس يشوف الضحكة مرسومة على وشنا تانى

وفى الاول والاخر كل شى مكتوب ومقسوم لينا سواء كان حزن او فرح
ولازم نرضى بكده ونحاول نتقبله ونتاقلم ومش
نستسلم لحزننا بالعكس نحاول نهزم الحزن ده بكل الطرق عشان نعرف نعيش
حياتنا صح لان الدنيا مش هتقف لينا هتمشى والعالم هيمشى احنا بس اللى
هنتدمر ونعتبر عايشين بجسمنا بس ارواحنا هتكون ماتت وهتموت معاها مشاعرنا
كمان

فهمتى بقى يا تويتى انا عايزه اقولك ايه
عيش حياتك ومش تفكرى فى اللى فاتت وراح فكرى فى اللى جاى فكرى فى حياتك الجديدة وحاولى تعيشى صح ومش تستسلمى للحزن

انا بشكرك اوى يا شقاوة على كلامك الجميل
وعلى ردك على الموضوع
كلامك صحيح
بس صعب ننسى الجرح
مع اننا بنحاول ننساه
وربنا يقدرنا ع النسيان ياااااااااااااااااارب

ربنا كبير اوى

وهيقف جمبك ان شاء الله

قولى يااااااااااااااااااااااارب

الاول احب احيكى على شجاعتك فى كتابة الموضوع
وأنك طلبتى رأينا فيه
بعدين صعب ان حد يحس
بالأحساس الى انتى عايشة فيه ده من غير انه يكون عاش نفس الموقف عشان
يقدر يحس بيكى
ثانيا بقى بالنسبة لرأيى فى الموضوع ممكن يكون الانسان ده فعلا قدر يمثل عليكى قصة
الحب والخداع وقدر يخدعك فعلا ويخليكى تصدقيه فى أنه بيحبك زى رأى شقاوة
ولو هو كدا فعلا يبقى اكيد العيب مش منه
العيب منك انتى
انتى الى اختارتى غلط من الأول أو اتسرعتى فى اختيارك
بس بجد لو بصيتى للموضوع من وجهة تانية وهية حسن الظن بالأنسان الى باعك او خدعك
ممكن نلاقى الأنسان ده مظلوم وأنه عمل كدا لانه بيحبك
يعنى لو فرضنا ان ظروفه مسمحتش له انه يكمل معاكى وانه حس انك لو كملتى معاه يبقى كدا بيظلمك او هيضيعك معاه وكانت الظروف اقوى منه
مع اختلاف الظروف لانها بتكون كتيرة وبتختلف من بيت لبيت
فقرر انكم تفترقوا
فى الحالة دى مش شرط يكون فراقكم انه بقولك اننا لازم نفترق عشان فى ظروف كذا وكذا
لا بالعكس
ممكن يكون من كتر حبه ليكى وعشان يقدر ينسيكى الحب ده
انه يظهر قدامك انه انسان مش كويس
او انه مكنش بيحبك عشان تقدرى تنسى بسهولة ووقتها بس
تفتكرى انك كان اختيارك للإنسان ده غلط
وليه ميكونش ان سبب الفراق ده كان عيب فيكى انتى ولما يأس انه يصلحه قرر انه يفترق
والقصد من كلامى كله اننا مش شرط اننا شوفنا من حد حبينها انه فارقنا انه انسان مخادع بالعكس ممكن يكون كان ده حب بجد
المهم اننا نفكر فى الموضوع صح
وانه طالما فى اتنين حبو بعض وفى طرف فيهم قرر الأنفصال
وقتها مش لازم القصة دى تكمل
لانها فى الأول وفى الاخر مش هتكمل
ولو كملت بالجواز اكيد الحياة بعد كدا مش هتكون سعيدة
ولازم تفتكرى دايما ان مفيش حد بيموت عشان حبيبه سابه ومسمعناش قبل كدا ان فى حياة توقفت عشان قصة حب انتهت
والحياة عمرها ماهتتوقف
ده كلام فى الأفلام بس
ولازم نعرف انه ده نصيب وقدر وكلنا لازم نقول الحمد الله ونشوف الى ربنا قسم لينا بيه
ولازم تنسى واكيد هيجى اليوم الى ربنا يقسم ليكى فيه بأبن الحلال الى هيكمل معاكى
ووقتها اكيد هتكونى نسيتى فعلا
واسف انى طولت عليكى بس ده رأيى فى الموضوع وياريت تتقبلى مرورى

انا بشكرك اوى يا محمد على مرورك وردك على الموضوع
وانا بحترم رأيك طبعا وبقدره
بس تقول ايه على شخص ملوش شخصية
ماشى وراء كلام غيره
حتى باع حبه ومحاولش حتى يتمسك بيه دا لو كان حب يعنى
عشان يرضى كلام الناس
وانت عندك حق ان الاختيار كان غلط
بس فعلا كان مبنى على حسن نية
مع ان كتير حذرونى بس فى الاول والاخر هو نصيب
بس والله مفيش حاجة وحشة ولا حاجة الحمد لله
مش بشكر فى نفسى
بس كل العيب كله ان مفيش شخصية عند الانسان دة
حتى الان مش قادر يتخذ قرار يخصه
لازم برضه يدخل ناس تانية تتخذ له قرار فى حياته الخاصة بيه هو

دة السبب بس
وفى الاخر بنقول الحمد لله
وانا بشكرك مرة تانية يا محمد
على تشريفك للموضوع وردك وبحترمه جداا

ياتويتى انتى اختى ولو مكنتش انصحك انتى هنصح مين يعنى
انصح شقاوة مثلا
وبعدين احمدى ربنا ان الموضوع انتهى من الاول
واكيد ان شاء الله خير
والكويس انك عرفتى العيب منين
ويارب تتعلمى من التجربة

اه يعنى ينصحنى انا
ههههههههههههههههه

الحمد لله يا تويتى وربنا ييسر امورك كلها ان شاء الله

هاي عليكم حبيبة قلي تويتي انا را كلك كلمتين حطيهم حلق في ودانك هو مش في مثل عندكم بيقول
يا مامن رجالة زي الي مامن مي في غربال
عشان كدا بقول خلي بالك من نفسك كويس وحسك عينك تيدي امان لي اي راجل
اهو جربتي وشفتي باع ازي في تانية وبعدين انتي حقك تعزمينا علي عشاء عشان خلصتي منوا
هوا دا تعملي بيه ايه وهوا كل شوية بيسمع كلام ناس ومالوش رائ
ح تخديه كيس جوافة في بيت
يبقا تقولي عليه خاد شر وراح وانتي مليون واحد يتمناكي
كفاية انو عندك قلب طيب ويعرف يحب
بس يريت مرة جاية تعرفي تختاري كويس عشان مش تنجرحي
كتر جراح تموت قلب ولو قلب مات
ح تبقي انسانة ميتا وانتي علي قيد حياة
ياريت تاخدي وقت كافي قبل ما تربطي حياة بي اي انسان تاني وتراجعي حسابتك كلها
واما تحسي انك خرجتي من تجربة دي خلاص وقلب نساه
افتحي قلبك تاني للحياة
يارب يسعدك ويوفقك يارب
رجاء ضع رأيك وشارك معايا 707147

يسلمووووووووو على الموضوع
يا الغلاااااااااااااااااااااااااا

وارجو تقبل مرورى ورأى هو

ان الانسان الى يتحب الحب ده وما يقدره

بيكون اكيد غير طبيعى والحياه كثيرا ما تبكينا لاكن رحمة الله اكثر بكثير واكيد ان شاء الله عز وجل ياتى الخير والفرح قريب

وفى ختام كلامى اتمنى التوفيق للكل

انا بشكركم كلكم

بشكرك يا شقاوة يا حبيبتى لكلامك الجميل

وبشكرك يا محمد وانت طبعا اخ ونصيحتك على دماغى

وبشكرك يا جانا يا حبيبتى وكلامك فعلا صح
والحمد لله ان كله ظهر من البداية

وبشكرك يا قمر على مرورك للموضوع
نورتى الموضوع والمنتدى كله

ولا يهمك حبيبة قلبي انتي غالية عندنا وسعادتك تهمنا وبعدين انا بعرفك قوية وبتتحملي مش اي شي يهدك
واهي ايام تنسي واحد حتي اسموووووا

ربنا يخليكى يا حبيبتى يا رب

ويخليكم ليه كلكم يا اجمل واطيب اخوات فى احلى منتدى