قال ايه بيحبنى

بتحبنى ؟؟؟ دلوقتى جاى تحبنى ؟
طب بعد ايه ؟ ما خلاص يا بيه
غيرك اخدنى وضمنى
طب كنت فين لما ناديت
عليك كتير انا واستنيت
قلبك يجيبنى ويقول شارينى
ويكون لى هو وبس بيت
$$$$$$$$

بتحبنى؟؟ حرام عليك بتقولها ليه ؟
وجاى بكلمه تهزنى ؟
فاكرنى ايه هجرى عليك
وانسى العذاب واقولك انتا وحشتنى؟
كفاياك غرور وبلاش يابنى
تعيش فى الدور وتحس انك شهريار
وبكلمه واحده ملكتنى
$$$$$$$$

بتحبنى ؟؟ طب بعد ايه جاى لقلبى
تقول شاريه وتقوله قلبك حسنى
ارجوك بقى خليك هناك
من انهارده مش محتاجاك
ولا عاد كلام هيهزنى
انا ابتديت صفحه ونهيت
كتابك انتا من دنيتى
$$$$$$$$

ليه العجب ؟؟؟ مانتا السبب
فى البعد لو صار سكتى
بتقوللى ايه ؟ ننسى اللى فات
وتمحى بايديك كل الاهات
ماهو لو محيت كل الاهات
تبقى بتمحى نفسك كده
مانتا فى حياتى ذكريات
على كام اهه متعذبه

$$$$$$$$

بتحبنى ؟؟ كفاياك بقى متقولهاليش
واياك فاكرنى ليك هعيش
وهموت فى حبك راهبه
ابعد اوام وانسى اللى كان
واعتبره ذكرى طيبه
مقدرش اقف فعلا معاك
ثانيه ازيد من كده
دلوقتى انا فى عصمة حبيب
ودى اقدار مترتبه
$$$$$$$$

ودى كات رسالتى ليه ياستى
وكلامى ليه كان كده
وبتسألينى كنت ليه
قاسيه معاه بالشكل ده؟
علشان انا
مش لعبه تفضل بين ايديه
وتحس منه بعدم الرضا
واول ما تبعد عن عينيه
ويفكر فيها ده وده يحس بيها
ويقول شاريها
وبعدين كرامتى فوق الحب ده
$$$$$$$$

بيحبنى ؟ ؟؟؟ماخلاص يابنتى
الحب عدى وانقضى
واللى باقى من هوايه
يدوب كده شوية صدى
بيحبنى ؟ ما خلاص بقى
نظراته ليا معادتش حتى تهمنى
وكلامه برضه معادش عمره يهزنى
بيحبنى ؟؟؟؟؟؟ ال ايه بقى
دلوقتى جاى يحبنى

ايه يا عم الكلام الجامد ده
مين الواد الواطى ده
ده عيل رخم اوى
لسه فاكر ولسه جاى يقول انه بيحبك
اوعى تعبريه وسيبك من البت صاحبتك اللى بتسألك دى شكلها قريبته وهو موحيها
المهم تسلم ايدك يا جميل
حاجة جميلة بجد
منتظرين منك الجديد دايما
الى الامام يا شاعرة

تسلم ايديكى بجد يا شاعره

مش تقوووووووووووول عليه واطى ولو انى مش اعرفه بس اكيد انا حتى فى شعرى مش هحب واحد من البدروم ومرسى ياعسل على تشجيعك ولو انى حاسه ان فيه فى الامام حفره عشان كده بتقوللى الى الامام ومرسى يا شقاوه على مرورك ده فشر مرور دكرنس واللهى

ههههههههههههههههههههههههه
ماشى يا بنت افندينا
النيم بتاعك بيفكرنى بمسلسلات زمان
افندينا والبشوات ومحمد على والحاجات دى
على العموم تسلم ايدك

ماشى يا وحيد زمانك على اساس ان اسمك مستحدث ولا موضة 2010 الله يرحمك يأنور ياوجدى مفيش فيلم مثلته مكنش اسمك فيه غير وحيد

ههههههههههههههههه
ايه جو السينما اللى اتفتح الوقتى ده يا عالم
ههههههههههههههه

وانا من موقعى هذا
اقول
اسمايكم زى الفل ولا تزعلوا
هههههههههههههههههه

جوه سيما انفتح ولا فشتك وعامت ياعم الحج]