شوية نكت جااااااااامدة

*واحد باشا الزمن دار عليه وافتقر حب يشتغل اشتغل بتاع فجل وجرجير

وقف فى السوق وهو لابس الطربوش وبيقول فجل يا حوش جرجير يا كلاب

ــــــــــــــــ

*رئيس دوله صغيره راح زياره للصين



رئيس الصين بيقله احنا عددنا 900 مليون نسمه انتو عددكم كام رد رئيس
الدوله احنا 30 ألف راح رئيس الصين قاله يا راجل طب مجبتهمش يتفسحوا معاك
ليه

ـــــــــــــــــــ

*مرة واحد غبى جاله عقد عمل فى الكويت يوم السفر قاعد فى المطار فالمذيع الداخلى بيقول


على
ركاب الرحلة رقم 550 المتوجهة الى الكويت التواجد بصالة الدخول واعاد ذلك
مرة ثانية فموظف المطار بيقوله يا استاذ رحلة الكويت هتطلع, فرد علية
وقاله ياعم دول طالعين رحلة انا طالع شغل

ـــــــــــــــــــــــ

*فى
يوم المراة العالمى اجتمع 3 ستات واحدة امريكية والتانية فرنسية والتالتة
صعيدية , قالوا لازم نحبب رجالتنا فينا ونعرفهم قيمتنا فاتفقوا محدش فيهم
هيقوم بواجبات البيت لمدة اسبوع ويتقابلوا بعدها يعرفوا النتيجة .



بعد اسبوع ..........

الامريكية : اضربت عن شغل البيت ومشفتش حاجة اول يومين لكن بعد كدة جة صالحنى واتاسفلى .

الفرنسية : اضربت عن شغل البيت ومشفتش حاجة اول يومين لكن بعد كدة جة وجابلى ورد وقالى انا هاعمل كل حاجة .

الصعيدية : اضربت عن شغل البيت ومشفتش حاجة اول يومين لكن بعد كدة ابتديت اشوف بعنيا اليمين شوية بشوية

ـــــــــــــــــــــــ

*مرة
واحد غبي ماشى فى الشارع قال يارب يااااارب احط ايدى في جيبى الاقى 10جنيه
يااااارب، حط ايده في جيبه لاقاه مخروم رجع يدور عليها لتكون وقعت

ــــــــــــــــــــــ

*كمسرى بيقول لابنه


تذااااااااااااااااااااكز تنجح

ـــــــــــــــــــــــــ

*عريس بيقول لعروستة لازم تعرفي ان كلمتي في البيت زي الساعه بصتلو بنظرت غضب...قالها يعني لا بتقدم ولا بتأخر

ـــــــــــــ

*مرة
واحد غبي راح يخطب فوالد العروسة بيقولة احنا عايزين مهر عشرين الف جنية
قام الغبي قالة لية دا انا قدامي واحدة على خمس تلاف وحامل

ــــــــــــــــــ

*واحد تاكسجى نايم مراتة دخلت علية بالليل


وقفلت الباب بشويش..صحى قال لهاافتحية واقفلية تانى

ـــــــــــــــــــــ

*عملوا
جائزة مليون جنيه للي عنده 10 عيال، واحد عنده تسعة قال لمراته أنا كنت
متجوز عليكى ومعايا ولد أروح أجيبه ونكمل العشرة ونكسب الجايزة، راح ولما
رجع ملقاش العيال سأل مراته فين العيال قالتله كل عيل أبوه جه خده

ــــــــــــــــــــ

*مره واحد غبي جزمتو انقطعت راح خيطها وبعد اسبوع لاقاها سليمه فك الخياطه تانى

ــــــــــــــــــــــــ

*واحد
ركب اتوبيس.. جاله الكمسرى بيقول له تذاكر ... قال له امين شرطه..... سابه
وراح للجانبه قال له: تذاكر ... قال له: أبراهيم شرطه

ـــــــــــــــــــــ

*انعقد
مؤتمر دولي في فرنسا وكان بعنوان الأتصالات والتكنولوجيا المعاصرة ، فبدأ
بالحديث فيلسوف فرنساوي وقال لقد حفرنا تحت برج ايفل ولقينا أسلاك
تليفونات وده دليل على انه احنا عندنا التليفونات بقالها اكتر من 100 سنة
، وقام الإيطالي وقال احنا حفرنا تحت برج بيزا ولقينا أسلاك تليفونات وده
دليل انه احنا عندنا التليفونات بقالها اكتر من 500 سنة ، وقام البروفيسور
العظيم المصري وقال: احنا حفرنا تحت الأهرامات وملقيناش حاجة وده دليل على
انه احنا عندنا الموبيلات بقالها اكتر من 7000 سنة

ــــــــــــــــــــــــــ

*مره
فى ثلاثه بنات ماشيين فى الشارع واحده بتقول انا عايزه اتجوز واحد يكون له
هيبه وشان عظيم والثانيه تقول انا عايزه اتجوز واحد من اليابان والثالثه
عايزه تتجوز لاعب كوره مصرى مشهور ، واحد كان ماشى وراهم وسمعهم ام راح
يسلم عليهم ويقول انا العميد يونج يانج الشهير بابو تريكا

ــــــــــــــــــ

*واحد
قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم
عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم
بسهوله قال لهم طالما معاكم البغل ده مافيش خوف عليكم

ـــــــــــــــــ

*مرة واحد محشش لقي كنز قال: كويس كدة فاضل الخريطة!!

ــــــــــــــــــــ

*مرة
اتنين أغبية طالعين رحلة فالسواق نزل استراحة ورجع لقى الفتيس مش موجود
قالهم الفتيس راح فين...قالوله لقينك يا عم طول الطريق عمال تشد فيه مش
عارف تخلعه قولنا نشلهولك

ـــــــــــــــــــــــ

*مرة اتنين
مساطيل قعد ين بيحششو فا فى واحد منهم لقى جنازة فى الشارع فقال للتانى هو
مين الى مات قاله عمك احمد قاله الله يرحمه، فى اليوم التانى الناس عملو
سوان للناس علشان ييجو يعزو، قاله هو مين الى مات قاله يابنى انا قلت لك
عمك احمد قاله الله يرحمه، فى اليوم التالت شاف نفس السوان قاله هو مين
الى مات رد عليه التانى قاله انا كل يوم اقولك ده عمك احمد راح رد عليه
قاله هو مال عمك احمد بقاله تلت ايام الدنيا مخبطة معاه كدة ليه

ـــــــــــــــــــــ

*كان
في مرة واحد صاحب مزرعة جزر وجانبه واحد صاحب مزرعة ارانب كان كل يوم يجي
يلاقى الارانب اكلت الجزر كله وهكذا كل يوم لحد مل زهق قرر انه يروح مزرعة
الارانب وجاب شاكوش وكسرلهم كل اسنانهم جه تانى يوم الصبح برده لقى الجزر
بتاعه حد اكله راح عند الارانب ومسك واحد منهم وقاله انتوا واديتوه الجزر
فين قالوه :عملناه عثير وثربناه

ــــــــــــــــــــ

*محشش قطع رأس أخوه وهو نايم...وقعد يضحك ويقول: هيتجنن لما يصحى الصبح وميلقهاش !!

ــــــــــــــــــــــ

*مره
اتنين مجانين اتفقوا انهم يهربوا من المستشفى واحد قال للتانى لو لاقينا
الصور عالى هنهده لو لاقيناه واطى هنط من فوقيه التانى قاله ماشى راحوا
مالاقوش صور خالص قالوا يخساره المهمه فشلت

ـــــــــــــــــــــــــ

*النمر
كان كل ما يشوف الأرنب يضربه و يقول له انت ودانك طويلة كده ليه فالأرنب
راح اشتكى للأسد فالأسد طلب النمر و قاله لما تعوز تضربه قول له هاتلي جزر
لو جابلك جزر اصفر قوله هات جزر أحمر و لو جاب جزر احمر قوله هات أصفر ،
النمر قال للأرنب عاوز جزر الأرنب سأله أحمر ولا أصفر قام النمر ضربه و
قال له انت ودانك طويله كده ليه

ـــــــــــــــــــــ

*واحد مسطول
راح صيدلية يشترى جبنة حاول الصيدلى يفهمة ان مفيش جبنه بتتباع هنا وشويه
و مسطول تاني جه، فالصيدلى قاله فهم صاحبك ان مفيش جبنه بتتباع هنا قال لة
ياعم سيبك منة دا غبى ادينى بنص جنيه لانشون

ــــــــــــــــــــ

*مرة
واحد غبي ضاعت محفظته راح القسم عمل محضر الظابط بيقولوا ماتقلقش يابلدينا
هنجبهالك من تحت الأرض وبعد ما خرج من القسم شاف الناس بيحفروا للخط بتاع
المترو راح قايلهم الهمة يارجالة سودة وبسوستة

ــــــــــــــــــــــ

*واحد
سكران قاعد بيشرب خمرة وعنده بغبغان كل شويه البغبغان يقوله هات كاس يقوله
اقعد ساكت هنتفلك ريشك البغبغان يقوله هات كاس يقوله اقعد ساكت هنتفلك
ريشك جرس الباب رن قام يفتح فالبغبغان مسك الازازه شربها فلما المسطول رجع
قاله ايه ده ؟ قام البغبغان قاله شربت الازازه وادى الريش اللى انت قارفنى
بيه أهو

ــــــــــــــــــــت

*واحد راح يشتري عربية .لقى كل
العربيات غالية عليه.بعدين لقى عربية قديمة و عليها تراب كتير بس سعرها
مناسب.صاحب المحل قال له العربية دي فيها ميزة هايلة.بص كدة ..وقام مسح
بإيده التراب اللي عليها قام طلع منها عفريت .قال له :شبيك لبيك تطلب إيه؟
قال له هات شاي للبيه حالاً..في لحظة كانت كباية الشاي قدام الراجل .قام
اشترى العربية فوراً و ساقها و طلع بيها على حتة أرض فاضية و قام نزل و
مسح التراب اللي علي العربية. قام طلع له العفريت. قاله عايزك تبني لي هنا
قصر كبير فيه جنينة و حمام سباحة و ملعب تنس و..... قام العفريت قال حيلك
حيلك إنت فهمت غلط .. أنا شاي و قهوة بس .

ــــــــــــــــــــ

*مره
قرية كلها أغبيا كان فيها حفره كل يوم واحد يقع فيها عملوا مجلس علشان
يشوفوا حل للحفره دي قام واحد وقال يا جماعه احنا نحط عربية اسعاف جنب
الحفره علشان المصابين يتنقلوا بسرعه قام التاني قال احنا نبني مستشفى جنب
الحفره علشان يتنقلوا أسرع قام التالت قالهم يا جامعه انتوا مغلبين نفسكم
ليه احنا نردم الحفرة دي ..ونحفر واحدة تانية جنب المستشفى