أل الرجالة مبيعرفوش يطبخوا

بصوا بقى الستات بتتنطط علينا ولما بتكون خارجة تقولك عندك الثلاجة وانت مجبر تاكل اللى فى الثلاجة
طب ايه رايكم هأولكم أكلات جامدة جداً يقدر يعملها أى راجل وماتخدش وقت كثير

وأكلة باليد ولا الحوجة لحد :bball:

الحلقة الاولى
مكونات الوجبة
1 - طبق من الفراخ مقلى على طريقة كنتاكى
2 - طبق سلطة خضراء
3 - طبق مكرونة بالصلصة
4 - أحلى طبق شوربى
5 - الحلو انك ماحتجتش لمراتك
أولا : طبق الفراخ

المكوناتصدور فراخ
حبهان - مستكة - بصلة كبيرة - باكو مرقة دجاج بس مش مكعبات - ملح - نصف كوب دقيق - 2 كوب زيت
طريقة التحضير
أغسل الصدور جيدا
ضع اناء به ماء يكفى لتغطية الصدور بمقدار ضعف حجم الصدور
قم بوضع الاناء على النار بدون ماتضع الصدور حتى درجة الغليان ثم ضع الصدور فى الاناء المغلى
قطع البصل الى شرائح كبيرة نسبياً مثال اربع تربع ثم ضعها مع الصدور فى الاناء المغلى
ضع قطعتين حبهان وقليل من المستكة اقل من نصف معلقة صغيرة
ضع الملح المناسب
ولو عايز اى بهرات حطها بمقدار نصف ما وضعت من المستكة
انتظر حتى ينضج الصدور وتاكد من نضجها بطرف الشوكة أو بمزاقها
ضع الصدور فى طبق خالية من الشوربة وغطى اناء الشوربة وشيلو دلوقتى
ملحوظة : أذا حسيت ان مقدار الماء غير كافى لاتمام عملية نضج الصدور قم بتزويدة
ملحوظة أخرى : نؤجل عمل قلى الصدور الى قبل ما تجهز السفرة واليك الطريقة
هات قلاية الزيت وضع بها كوبين الزيت وضعها على النار
هات طبق فاضى وضع به نصف كوب الدقيق ومرقة الدجاج واكرر البودر وليس المكعبات
أخلطهم جيدا ثم ضع صدور الفراخ وقلب الصدور فى الدقيق حتى تغطى الصدور تماماً
استنى على الزيت 3 دقائق على النار
ثم ضع الصدور فى الزيت حتى تحمر الصدور مع التقليب المستمر حتى لا تحترق
أخرج الصدور من الزيت
وبكدة تبقى انتهيت من طبق الفراخ

ثانيا : السلطة الخضرة

المكونات

ثلاث حبات طماطم + خيار + بقدونس+كزبرة خضراء + خص +جزر + بصلة صغيرة

طريقة التحضير

يتم تقطيع جميع المكونات ومزجها مع بعضها واضافة قليل من الملح والليمون وملعقتين صغيرتين زيت زيتون وممكن متحطش زيت
ثالثا: طبق المكرونة

المكونات

نصف كيلو مكرونة اللى انت عايزو وبتحبو ( يفضل الاسباجتى )
صلصة جاهزة
ملح والتوابل وموصيكشى على التوابل على الصلصة
2 ملعقة كبيرة زيت

الطريقة
ضع اناء به ماء مع ملعقة ملح صغيرة وملعقتين الزيت ويتم غلية حتى درجة الغليان مع ملاحظة ان الماء يغطى المكرونة بالكامل بل أزيد
ضع المكرونة فى الاناء الذى بة الماء المغلى وانتظر حتى تنضج المكرونة جيدا
تاكد من ان المكرونة نضجت بان تاخز قليل منها وتزوقة للتأكد
شيل الاناء بالمساكة وخلى بالك لتتلسع وتكون محضر مصفة كبيرة ويتم سكب المكرونة بها مع وضعها تحت ماء الحنفية
لمدة دقيقة
يتم وضعها فى اناء مع التاكد من ان المكرونة صفتها من الماء كويس
هات الصلصة وضعها على المكرونة وقلبها جيدا مع التوابل حتى يتم المزج جيداً

وبكدة تكون خلصت المكرونة

سخن الشوربة لو بردت وضعها فى اناء وبكده تكون حضرت طبق الشوربة
يالا بقى مش فاضل غير انك تحط الاكل على السفرة وبكدا تبقى خلصت

وبالهنا والشفا ولو نجحت فى عمل الوجبة متنساش تخلى لمراتكك شوية عشان توريها انك شيف كبير ولو مانجحتش انزل من سكات وكل فى اى مطعم أو عندك الثلاجة زى ما قلتلك

وفى نهاية الحلقة

أحب اقول للسادة جران الأخ اللى هايعمل الأكلة ان رقم المطافى 111

مستنى ردودكم وتقولولى عاملتم اية

مين قال ان الستتات هاتسكت خالص انتو اخركم تسلقو بيض وياريت بتعرفو تعملوة كمان
هههههههههههه
تسلم علي الوصفات وجاري التجربة