مصر التى فى خاطرى دعوه مفتوحه فى حب الوطن

فى حب مصر
الى كل من يحب مصر

من اجل مصر دون غرض اوهدف غير حب ان تكون مصر اولا و قبل كل شىء

بغض النظر عن مركز او مال او سلطة او منصب

فقط من اجل

مصر

اهلا و سهلا به فى اجمل حوار

عاوزين كل واحد يقترح اقتراح شايفه
مناسب يصلح بيه حال بلدنا الجميله اللى مظلومه معانا كتير اوى احنا
المصريين سواء كنا افراد شعب او حكومه كلنا بنظلم مصر

لازم نصلح فيها على قد ما نقدر

ممكن ما نكونش بنملك اى سلطه او نفوذ او قوه لكن بنملك عقل ولسان وقلب يعشق وطننا العزيز

فكما تغنى موسيقار الاجيال محمد عبدالوهاب قائلا

حب الوطن فرض عليا افديه بروحى وعنيا

وكما قالها شاعر الشباب احمد رامى وغردت بها سيده الغناء ام كلثوم

مصر التى فى خاطرى وفى فمى احبها من كل روحى ودمى

يا جماعه احنا بنعشق وبنموت فى تراب البلد دى بس احنا اللى دايما بنعلق كسلنا على شماعه ظروف البلد ونقعد نشتم فيها

عاوزين نحاول نصلح من شأنها يمكن صوتنا يوصل لاى حد يا
جماعه اللى عنده اقتراح من خلاله ممكن يحدث لبلدنا العظيمه تطور فى اى
حاجه انت ليك فيها وجهة نظر قولها ولو شايف شئ سلبى قوله واقترح حل ليه

ونتناقش ويبقى اجمل حوار فى الدنيا لانه هيبقى فى حب مصر ام الدنيا
التى قال فى حقها احمد شوقى امير الشعراء

وطنى لو شغلت بالخلد عنه نازعتنى اليه فى الخلد نفسى

يلا ايدى فى ايدك نحاول نرجع
ببلدنا العظيمه الى ايام الانجازات نرجع بيها للزمن الجميل نرجع بيها
لايام الوطنيه ايام ما كانت الناس بتحبها فعلا يلا يا جماعه ما تتهاونوش
ممكن اقتراحك او فكرتك توصل لاى مسئول يقدر ينفذها ويرتفع بيها شأن بلدك
وتبقى صدقه جاريه ليك قول رأيك مين عالم ممكن يحصل ايه بكره

مصر التى فى خاطرى دعوه مفتوحه فى حب الوطن Pyramid_and_Sphinx

مصر التى فى خاطرى دعوه مفتوحه فى حب الوطن Pyramid_and_Sphinx

مشكور جدا يا ايمن فكرة رائعة جدا جدا جدا
انا من رأيى ان احنا اول حاجة نتكلم فيها هى الاعلام
الاعلام الذى يشغل الجزء الاكبر من تفكير وحياة الشباب
فهل اعلامنا اعلام اعلام صالح ام فاسد
هل يهدى الشباب ام يفسد عقولهم
ان اجرينا احصائية بين الشباب عن القناوات التى يشاهدونها باستمرار فماذا ستكون النتيجة
تتراوح الاجابات بين قناوات مزيكا وميلودى وزووم وغيرها من القنوات المسفة
وظهرا مؤخرا قناوات المسابقات التافهة زى ميلودى تركس التى ستصيب الشباب بالغباء والتخلف
ومفيش اى حد من الشباب دول بيفكر يتفرج على القنوات الدينية لية لانها ظهرت متأخر بعد الشباب دول ما اتربو على الاسفاف والاغانى والتفاهة
ومشكلة الاعلام مع البطالة وقلة الفلوس ومشاكل الجواز هى اللى نشرت جرائم كتيرة وخطيرة
فعلا ونعم الاعلام
ومرة كمان ميرسى جدا يا ايمن عالموضوع الرائع دة واحب اسمع رأيك

:rtreter: احب اعرف كمان رأيكو فى رأيى

فى البداية الف شكر لمرورك الكريم

و فكرة رائعة

و لكن

ما هى فكرة الحل

التى يمكن لكل شخص ان يبدأ بها من تلقاء نفسه

؟؟؟؟؟؟؟؟؟؟؟؟؟؟

اول حاجة واكتر حاجة بتخلينى فعلا مضايقة جدا ان حد يرمى حاجة فى الشارع
لو كل واحد منا بدأ انة يرمى الحاجة دى فى شنطتة وبعدين يفضيها فى البيت
انا فعلا بعمل كدة بس باخد تريقة واولهم رولى وكريزى بس مش بيهمنى
لية ترمى فى الشارع ومتقوليش مفيش مكان ليها ممكن تشيلها فى شنطتك ومتقولش يعنى هية جت عليا
لو كل واحد بدأ بنفسة هنبقى احسن

فعلا مزبوط

و كلام سليم 100%

ايه بس المواضيع الجامدة دى يا ياايمن
انا بصراحة مش عارف حاجة تصلح من شأن البلد غير اننا نغير ابو علاء
واصحابه
والعيال

ممكن بعد كدا نجيب حد يغيرها
بس يا ايمن تفتكر مين يبقى رئيس جمهورية
اقولك الموضوع ده هعمل له توبيك الوقتى

نرجع لفكرة لحن
بالنسبة للاعلام
للاسف ان اعلام مصر اعلام فاشل وفاسد
وعمره ماكان هادف

كل فكرته المال وكيفية الحصول عليه

والاخطر من قنوات ميلودى تريكس والقنوات الى انتى قولتى عليها يالحن هية قنوات الرياضة
الى طهرت فى الفترة الاخيرة بكمية كبيرة جدا
على الاقل قنوات الأغانى بتضرب الشباب بص
قنوات الرياضة بتضرب كل الأعمار

بالنسبة لموضوع للحاجة الى هنرميها فى الشارع يالحن
طبعا عندهم حق يضحكو عليكى
لان العادة انها تترمى فى الشارع لما انتى تخالفى العادة الناس تضحك عليكى

اعقلى يالحن لازم ترميها فى الشارع
امال الشارع مين يوسخه

تسلم لمرورك يا محمد