بعض الملاحظات و الاقتراحات

السلام عليكم ورحمة الله وبركاته
في البدايه احب اعرفكم بنفسي انا محمود محمد او جوست
اتخرجت السنادي ولله الحمد من كلية العلوم جامعة المنصوره قسم الكيمياء
خبرتي في مجال المنتديات والحمد لله تعتبر كويسه جدا مسكت اشراف عام و ادراه لمنتدى دلوعه السعودي لمدة سنتين
ومسكت اشراف الاقسام العلميه في اكتر من 5 او 6 منتديات تانيه
بس سبتهم كلهم لما دخلت سنه رابعه
المهم انا اللي عرفني على المنتدى ميدو اللذيذ وقالي اشترك معانا و كده فقولتله ماشي
فليا ملاحظه او اتنين و اقتراح وممكن تعتبروه طلب

- الملاحظه الاولي هي ان مفيش قسم للترحيب خاص بذاته و مواضيع الترحيب بتتحط في قسم الاعياد و المناسبات وانا من رأيي ان قسم الترحيب مهم جدا ولازم يكون لوحده

- تاني حاجه ان المفروض تحت اسم كل قسم يكون موجود اسماء المشرفين بتوعه علشان تسهل على العضو لو فيه طلب معين مثلا مش يفتح البروفيل بتاع كل مشرف و يشوف هو بتاع ايه

- تالت حاجه بقى قسم الموسوعات العلميه تقريبا في غلطه في الاسم على ما اعتقد

اقتباس :

قسم الموسعات

هذا القسم يحتوى على الموسوعات العلمية والعربية والمصرية
الطلب بقى
يريت يبقى فيه قسم خاص بالعلوم و تسموه العلوم و التكنولوجيا
هو صحيح فيه قسم للأبحاث العلميه بس دا للأبحاث الجديده زي ما هو مكتوب
انا عاوز احط مواضيع والله ومش عارف احطها فين ومش عاوز احطها في القسم العام لأنه مينفعش
وانا اخترت العلوم و التكنولوجيا علشان يتحط فيها المواضيع العلميه بشتى مجالاتها و كمان يتحط فيه آخر الاختراعات التكنولوجيه الحديثه واظن دي مهمه جدا علشان نشوف الناس اللي برا ولاد الذين دول وصلوا بالعلم لحد فين وكمان برضه لو فيه اي عضو عنده ابتكار معين و عاوز يعرضه ماشي و احنا كلنا هنقول رأينا فيه

يريت ميكونش كلامي زعل حد منكم بس والله انا قولت اللي انا شايفه و مقولتش كده الا لأني عاوز المنتدى يكون مش ناقصه حاجه
وكمان انا بتكلم بقلب جامد لأن دا مجالي ..... طالع عنيا في الكليه بقالي 4 سنين
وان شاء الله اقدر افيد كل الاعضاء

اخوكم
جوست

ان شاء الله يلبوا لك اللى بتتمناة
والف مبروك ع التخرج يا باشا
ونورت المنتدى ويا رب تبدع
معانا ع طول

الله يبارك فيكي يا كريزي جيرل و عقبالك كده لما تتخرجي و اشوفك عروسه في الكوشه يارب بس ابقي ادعينا بقى
وبالنسبه للإقتراحات بقى فأنا مستني المسئولين عن المنتدى يقرأوها و طبعا دعمك للافكار اسعدني جدا

تقبلي خالص يحياتي

ميرسى بس ادعى بالمهم الشهادة

عقبال انت ما تاخد الدكتورة

بجد انا سعيد ان معنا عضو فى المنتدى بيفكر زيك كدا
حقيقى منور المنتدى وملحوظاتك وافكارك مهمة جدا
وانشاء الله كلها تتنفذ
فى اقرب وقت
منور المنتدى

منور المنتدى يا جوست ومقترحاتك كويسة وان ساء الله تتنفذ
والف مبروك عالتخرج عقبال الوظيفة

اقتباس :: II~m.samy~II
بجد انا سعيد ان معنا عضو فى المنتدى بيفكر زيك كدا

حقيقى منور المنتدى وملحوظاتك وافكارك مهمة جدا

وانشاء الله كلها تتنفذ

فى اقرب وقت

منور المنتدى

وجودك في الموضوع اسعدني جدا جدا
المنتدى منور بأعضاؤه
ويارب تكون الافكار عجبتك
وفي انتظار التنفيذ ان شاء الله

اقتباس :: لحن الحب الحزين
منور المنتدى يا جوست ومقترحاتك كويسة وان ساء الله تتنفذ
والف مبروك عالتخرج عقبال الوظيفة

مشكوره لتشريفك الموضوع
والحمد لله ان الافكار حايزه على اعجاب الجميع
ربنا يبارك فيكي و عقبالك وعقبال كل الاعضاء وادعولي بقى انا رايح كام مقابله كده يوم السبت ان شاء الله

تقبلوا خالص تحياتي
جوست

انا مش عارف اشكرك ازاي يا محمد على سرعة استجابتك ودا يدل على مدى حرصك و حبك للمنتدى
وربنا يقدرني واكون عند حسن ظن الكل بيا ان شاء الله

تقبل خالص تحياتي
جوست

طلباتك كلها اتنفذت يا محمود
بالنسبة ل قسم الترحيب اتعمل فعلا

وده الرابط بتاعه
https://westelbald.yoo7.com/montada-f81/

وبالنسبة للطلب التانى وهو المفروض يكون اسم المشرف
هو موجود فعلا لو فتحت القسم من جوه ونزلت تحت هتلاقيه مكتوب
اظن بيكون افضل من بره عشان زحمة الكلمات

وبالنسبة لاسم قسم الموسوعات الى كان مكتوب غلط
دى غلطة فى الكتابة واحنا اسفين جدا
ومشكور على انك وضحتها لينا
والحمد الله تم تعديلها

بالنسبة لقسم العلوم والتكنولوجيا
اتعمل فعلا وتقدر تحط مواضيعك فيه
وده الرابط بتاعه

https://westelbald.yoo7.com/montada-f82/

يلا ياجميل ورينا شغلك بقى
ومستين ملاحظات تانية ليك

حوده بجد مشكووووووووور ع الاقتراحات
واهو يا سيدى محمد رد عليك
وفى تقدم ع طول ان شاء الله

حبيبى جوست من غير كلام مع سامى مفيش مستحيل