اعرف شخصيتك من لونك المفضل

انا النهاردة محضر ليكوا لعبة اتمنى انها تعجبكوا
طبعا كلنا بنحب الالوان ومنقدرش نتخيل حياتنا من غير الوان فاكيد كل واحد مننا بيحب لون معين بيرتاحلة ويحب يشوفة فى كل مكان لون قميصك اللى انت بتختارة لون لون القوضة بتاعتك حياتنا كلها الوان
مطولش عليكم اللعبة هى ان كل واحد يدخل يقول على اللون بتاعة المفضل وانا هتكلم عن اللون دة وهقولة شخصيتة كمان من خلال اللون بتاعة
ابدأ انا
انا بحب اللون الاحمر
الاحمر يملك قوة جاذبية بين الالوان وهو لون الاستقراطية الخاصة بالحياة الملكية لون مرهق للعين اذا نظرنا الية لفترات طويلة ويتحول الى وردى ليصبح اكتر رقة
الشخصية :
مميزات الشخصية
الشجاعة/ الوفاء/ العواطف الجياشة /المرح والفكاهة /السعادة
:عيوب الشخصية
الخطر/ العدوانية/ الانتقام/ الغضب/ روح القتال والهياج/ وفى بلدان اسيا يعنى الثورة

موضوع جميل يا ميدو
انت عارفني بموت في الغوامق
بس انا هختار اللون الازرق السماوي لأني برضه بحبه جدا جدا
سمعني بقى الصفات يا باشا على اللونين

جوست

ماشى يا جوست انا عارف ان انت بتحب الغوامق موت بص يا سيدى
اللون الازرق من الالوان الباردة /لة تاثير داخلى يزداد عند درجات اشراق اللون الاكثر ثبوتا ورصانة وعندما يقترب من الاسود الداكن (اى الازرق الغامق) يفور داخل كابة لا محدودة وعندما يكون فاتحا اى ما نسمية السماوى بادرا مهدئ خامل /يمثل التضحية الذاتية واحيانا يستخدم لعلاج المرضى المصابون بامراض عصبية
الشخصية /:بص يا معلم
_الاخلاص
_الامل
_الوفاء
_الهدوء_السرور
اما بالنسبة لجانب السلبى
_غير مبال بالنسبة للازرق الفاتح وبالنسبة للازرق الغامق كثير الاكتئاب
اى خدمة يا جوست

يا ترى دة نفس الصفات للون اللبنى
واية صفات البمبى

شكرا يا احمد على التحليل و الحمد لله الصفات فعلا موجوده الا موضوع الاكتئاب دا
وكمان عندي لا مبالاه لبعض الحاجات مش كلها طبعا و بيبقى بمزاجي

تقبل خالص تحياتي
جوست

الفكرة جامدة يا ميدو تسلم ايدك
انا كمان بحب الاحمر
وكمان بحب الاسود والموف

مشكور يا كريزى جيرل هو اللبنى من درجات الازرق وهى الدرجة الفاتحة منة ودة اتكلمنا عنة اما بالنسبة للبمبى اللى هو الدرجة الفاتحة من اللون الاحمر وهى اهدى درجات الاحمر وهو مكون من الابيض المضاف علية نقطة او نقطتين من اللون الاحمر
الشخصية
رقيقة_
لطيفة _
تملكين روح عالية _
تحبى الهدوء _
اتمنى ان تكون دى جوانب من شخصيتك زى ما الالوان قالتى ومتطلعش بتكدب عليا

انتى بتحبى الاحمر يا لحن داحنا شخصيتنا قريبة من بعض كدة ودة شرف ليا طبعا
الاحمر انا اتكلمت علية فى شخصيتى
اما الاسود يا ساتر علية
نتكلم شوية عن الاسود
هو نقيض الالوان هو الحد الاقصى للظلام
ملاصق فطرى للشؤم يحمل عادة النهاية او الخوف من المستقبل والظلام وفى نفس الوقت هو مصدر للقوة الخارقة فهو يجمع بين النقيض الغموض والضعف
وللاسف يا لحن الاسود مقرون دايما الاشياء السالبة القائمة السوداء والسوق السوداء ونظارة الشمس التى تدل على الحزن
ودى طبعا ملهاش دعوة بشخصيتك انا بتكلم على اللون نفسة وارتباطة بحياتنا اما الشخصية بقى
حاسمة
وقورة
تتوفر لديكى قوة خارقة قوية
ولكن للاسود بعض السلبيات وهى
حزينة فى اغلب الاوقات علشان كدة اللقب بتاعك لحن الحب الحزين ولا ايــــــــــة
تخافين دائما من المستقبل
بس اية الشخصية الجامدة دى تمام ولا الالوان بتكدب عليا

انا بحب الوردي والاصفر

مشكور يا عاشقة القمر على مرورك الغالى وهكلمك على اللون الاصفر

يعتبر الاصفرمن اكثر الالوان اضاءة// يشع بالدفء// وهو غير مثبط للهمم// وغير مرهق للعين //يرمز للعقل والادراك
الشخصية
تمتازين بالبهجة/ والسطوع/ الفرحة/ تمتازين ايضا بالحيوية
السلبيات
يوجد لديكى شئ من الغيرة
وبعض التخاذل احيانا
اللون الاصفر دائما مرتبط بالحسد والحقد
اتمنى ان تكون هى دى شخصيتك بغض النظر عن الحسد وكدة بس اكيد انتى مش بتحسدى اوى

بصراحة مش عارفة اسئل لحن عشان انا مش عارفة احكم ع نفسى
بدل ما اقولك صح واطلع بهيس

انتى مش عارفة شخصيتك ولا اية يا كريزى معقول حد مش عارف شخصيتة
انا مستنى لحن تجاوب هي اهو بس هى اساسا مجاوبتش على شخصيتها
على العموم نورتى الموضوع انتى ولحن وكل اللى ساهم
الشخصية
رقيقة_
لطيفة _
تملكين روح عالية _
تحبى الهدوء _
اتمنى ان تكون دى جوانب من شخصيتك زى ما الالوان قالتى ومتطلعش بتكدب عليا

اكيد هى دى شخصيتك الالوان حاسسة كدة

بص يا سيدى انا بحب لونين
السماوى زى لون البيجو 504
والعسلى المائل للذهبى
وبس

بص يا معلم السماوى اللى هو ازرق فاتح الدرجة الفاتحة بتاع الازرق انا قولتة قبل كدة وهقولة تانى عشان خاطرك يا معلم
ما يكون فاتحا اى ما نسمية السماوى بادرا مهدئ خامل /يمثل التضحية الذاتية واحيانا يستخدم لعلاج المرضى المصابون بامراض عصبية
الشخصية /:بص يا معلم
_الاخلاص
_الامل
_الوفاء
_الهدوء_السرور
اما بالنسبة لجانب السلبى
_غير مبال بالنسبة للازرق الفاتح وبالنسبة للازرق الغامق كثير الاكتئاب

طيب يا ميدو عرفت منين انى بلبس نضارة سودة

انتى طلعتى بتلبسى نظارة سودا زى منا قولت؟ طبعا ما الالوان مبتكدبش
سعيد بمرورك يا لحن واتمنى ان الموضوع يكون عجبك

لا جامد فعلا يا ميدو والالوان صح فعلا

جديد الموضوع دا ولعبة حلوة مثيرة وغريبة
هقولك انا بحب الوان اية كتير ويارب اخد تحليل شخصيتى حسب اللون بس خد بالك ممكن يكونوا لونين وهتعرفنى ازاى وتفرق بينهم ازاى
اولا\بحب اللون الاخضر جدااااااااااااا بجميع درجاتة الفواتح بس ملحوظة بتشائم منة وعارفة ان دا مش حقيقي بس جربتة كتير لقيت مشاكل وحاجات بتحصلي لما البسة دا نكتة صح
ثانيا\بحب اللون البامبة
ثالثا\اللون الروز

هاااااااااااااااااااا كدا كتير جدا صح حلل بقي الشخصية وابقي قولي ع شخصيتى

الاول عايز اقولك نورتى موضوعى المتواضع وميرسى جدا على الكلام الجميل
ابدا بالتحليل اولا الاخضر
لون الحياة نفسها-متعادل فى تاثيرة فهو لا يحدق الفرح ولا الحزن يكاد يكون مزعج وهذا اللون غير مناسب للاشخاص الذين يميلون الى التشاؤم واللون الاخرمرتبط بالتوازن العاطفى للانسان فخليط من الاصفر الدال على السعادة والعقل والادراك والازرق الدال على الهدوء والسكينة والتضحية الذاتية يمثل الدفاع الذاتى
الشخصية/
الوفاء-
الحماس
الحياة
السلام
السكينة
الجوانب السلبية //
الحقد
الغيرة
اللعنة احيانا
الخمول احيانا
التشاؤم غالبا
انا اخدت اللون الاساسى اولا ثانيا اللون اللى انتى حططتية فى الاول لان مادمتى حططتية فى الاول يبقى هو اكتر لون قريب ليكى
انا قولت ان التحليل بيبقى من اكتر لون قريب ليكى لون واحد لان كثرة الالوان ممكن يتضارب مع بعضها
فالاخضر هو اكتر الالوان اللى ممكن يعبر عن شخصيتك اقراى وقوليلى

جد اروع تحليل وجميل جدا كلامك وتحليلك دا كدا احسن من تحليل علماء النفس
التحليل دا مرتبط بيا كتير وبيعبر عنى اوى وبجد مش قادرة اقولك ازاى انا سعيدة انك حللت شخصيتى والتحليل دا قريب اوى منى وفعلا اللون الاخضر هو الاقرب منى وتحليلة قريب منى جدا
مش هقول انى بعيدة عن الجوانب السلبية لانى مش ملاك بس الجوانب دى بتاخد درجات عندى وعند الجميع وكمان اقولك انها بتكون بنسب مش دايما وان التشاؤم عندى مرتبط بموقف او ظرف مش دايم برضوا
بجد انا سعيدة بالتحليل دا وسعيدة جدا بردك

انا بجد سعيد جدا اختى همس الحب بمرورك الجميل وبجد نورتى الموضوع
وميرسى جدا على مجاملتك الرقيقة
ياريت بلاش تشاؤم بقى دى على راى الست نانسى الدنيا حلوة

ههههههههه خلاص ماشي عشان خاطر الست نانسي ننسي بقي شوية

ربنا يخليكى ahlamkom
واتمنى ان الموضوع يكون عجبك بجد