اخبار اهرام جمهوووووووورية

احلى تحية وسلام لاحلى اعضاء منتدى فى الدنيا

المرة ديه وخصوصا الموضوع ده انا مش هتكلم فيه

الموضوع ده انتم الى هتتكلموا فيه

يعنى كل زاحد هيدخل يكتب خبر سمعه او قراه فى اى حتة وبالتالى هناقش الخبر ده

مهما كان الخبر رياضى ثقافى سياسى اى حاجة

المهم ان كل الى يدخل يجيب معاه خبر ويعلق على خبر مكتوب

الموضوع روعة يا لحن وفكرته روعة

وانا يشرفنى انى اول واحد ارد على الموضوع

وأول واحد احط خبر

على العموم الخبر ده قرأته فى جريدة الوفد

وبجد عجبنى جدا وشد انتباهى وحبيت انقله ليكم

الجامعة أقرب طريق للرصيف

صراخ الطلاب.. ودموع الأمهات.. وحسرة الآباء.. مشاهد تكتمل بمعاناة الآلاف علي أبواب معامل التنسيق.. صراع بين رغبات مكبوتة ورغبات »الكترونية« محدودة. .. اختر ما يتناسب مع مجموعك.. لا تتمسك كثيرا بما تحب أو تميل إلي دراسته.. 4 سنوات.. أو 7 في بعض الكليات.. شقاء من نوع آخر.. الهدف هو »الشهادة العليا« التي أصبحت »ديكوراً« اجتماعياً..

معاهم حق والله يا محمد الواحد بيتنتع قلبة سنتين كاملين فى المزاكرة واهلة فى الدروس والفلوس وبعدين تيجى امتحانات زفت من ناس معقدين يقوممو يبهدلو العيال وفى الاخر يجى كمان قرف التنسيق يعنى من كل ناحية وبعدين عواقب دخولة الجامعة اللى مش بيحبها ومش ارف يدرس فيها كويس ويطلع فى الاخر انسان معقد وميفدش البلد هو دة للاسف حالنا

وانا من فترة سمعت خبر فى العاشرة مساءا انهم منعو فى مسبقات الشعر فى الدارس المشاركة بالقاء شعر لفاروق جويدة!!
جاجة غريبة مش عارفين يمنعو الاغانى المسفة المبتزلة وبيمنعو الشعر المحترم وكفاية كدة قولو انتو رأيكو

اكيد طبعا يالحن لازم يمنعو الحاجة المحترمة لكن لو حاجة تضر الناس لا تبقى كويسة دى
طالما احنا فى مصر كل شىء لازم

يعنى مثلا لو راكبين فى عربية وداخلى على كمين وهيفتشو الركاب
طبعا لو لقو واحد شكله صايع ومش مظبوط اساسا ده مبيكلمهوش ولا يقولوا له حاجة
يدورو على مين بقى الشيخ الى مربى ذقنه الى قاعد محترم
ده الى يقولو له تعالى

احنا فى بلد ربنا الاعلم بيها ربنا يستر

تبرئة ممدوح إسماعيل في «غرق العبّارة» وسط صدمة أهالي الضحايا

برَّأت محكمة جنح سفاجا أمس ممدوح إسماعيل، مالك العبارة الغارقة «السلام ٩٨»، وجميع المتهمين معه في القضية، فيما أدانت قبطان العبارة «سانت كاترين» بالحبس ٦ أشهر وغرامة ١٠ آلاف جنيه، وحملت المسؤولية الكاملة علي عاتق قبطان العبارة الغارقة المفقود.وفي الوقت الذي وصفت فيه هيئة المحكمة، برئاسة المستشار أحمد النجار، قبطان «سانت كاترين» صلاح جمعة بأنه ارتكب جرماً لا يأتي من بشر، عندما سمع استغاثات الضحايا، ورفض مد يد العون لهم، قالت إن ممدوح إسماعيل وابنه عمرو وباقي المتهمين الثلاثة لم يثبت في حقهم أي إدانة. وبينما صدم الحكم أهالي الضحايا الذين احتشدوا في قاعة المحكمة، وأحدث رد فعل بين الصدمة والدهشة في الشارع، سارع المستشار عبدالمجيد محمود، النائب العام، وأصدر قراره بالطعن علي حكم البراءة بعد ٤ ساعات

لا حول ولا قوة الا بالله
فعلا يا حرقة قلب الاهالى دول على ولادهم وقرايبهم
اد اية بعد الخبر دة هيحسو باليأس وقمة الظلم ودم ولادهم اللى راح هدر
الله يقدر وهم لا يقدرون واحنا مش بادينا حاجة غير ان احنا ندعى لهم بالصبر

انتى لو سمعتى تعليقات المحامين على الموضوع واهل الضحايا بجد هتحسى بالظلم

انا سمعت محامى بيقول
المفروض لو واحد اتمسك بمطواة فى كمين اقل حكم بياخده 6 شهور حبس

ده اقل حكم

مابالك بقى بالى قتل 1500 انسان
يكون الحكم عليه ايه

براءة

حسبنا الله ونعم الوكيل

فين خبرك يا لحن

انا قريت ان وزير التربية والتعليم عايز يخلى الدراسة بعد رمضان او بمعنى اصح بعد العيد
انت رأيك هو عمل كدة لية

لا الراجل اكيد نيته صافية طبعا الدراسة هتبدأ 1\10
والامتحانات فى شهر 12

يعنى كدا الدراسة شهرين بس
معقولة صح
يعنى الطلبة هتسقط هتسقط
كدا هيعيدو السنة
وهيدفعو المصاريف من تانى
وفايدة للحكومة

ربنا يعينهم بيتعبو

لا بجد نيته صافية يالحن مظنش فى دماغه حاجة انا بجد بهزر

ممكن يكون عاوز يريح الطلبة

طيب واحنا نضيع فى الرجلين دة كدة امتحانت الميد تيرم هتخل على امتحانات العملة وهيرشقو على النظرى

ههههههههههههههههه
اعملى فيهم مقلب
وشوفى كتب قديمة واعملى زى طلبة اعدادى
وزاكرى السنة الجديدة
قبل مال الدراسة تبدأ

ههههههههههههه
لا انا اسقط اسهل

ههههههههههههههههههههه
لا انشاء الله هتنجحو

يجمع 6 زوجات معا

ألقت السلطات في السعودية القبض على أحد رجال هيئة دينية لجمعه بين ست زوجات في وقت واحد رغم أن الدين الإسلامي لا يجيز الجمع إلا بين أربع نساء فقط.
وتشكلت لجنة من هيئة التحقيق والادعاء العام بإمارة جازان (جنوب غرب المملكة) لدراسة قضية زواج الرجل (56عاما) الذي يعمل في هيئة الأمر بالمعروف والنهي عن المنكر (الشرطة الدينية) من ست نساء لا يزلن في عصمته.
وأضافت انه تم إلقاء القبض على الموظف من قبل هيئة الأمر بالمعروف والنهي عن المنكر التي سلمته إلى الشرطة.
وقال الزوج إنه طلق زوجتيه الرابعة والخامسة شفهيا بحضور وليي أمرهما. ولما تم إخباره بأنهما يؤكدان عدم طلاقهما منه وأنهما مازالتا تحت عصمته، رد بأن «الشرع سيفصل بيننا».
وقالت اللجنة إنه تم إيداع الزوجة التي قبض عليها معه رهن التحقيق، حيث قالت أثناء التحقيق معها إن الشخص الذي قبض عليه معها هو زوجها منذ أواخر سبتمبر الماضي بعقد على ورقة عادية بحضور والدها، ومنذ ذلك الوقت يتردد عليها بمنزل أهلها، ويصطحبها إلى شقق مفروشة، وإنها ليس لديها علم بزواجه من خمس نساء غيرها.
وأضاف تقرير اللجنة أن الزوجتين الرابعة والخامسة أصرتا في التحقيق على بقائهما في عصمة الرجل، وأنه لم يطلقهما وأنه «لا حقيقة لطلاقهما منه».

سمعتو الخبر دا أريد ردكم وتعلق عليه

لا حول ولا قوة الا بالله
صدق اللى قال حاميها حراميها
للدرجة دى وصل الدين عند الناس لا وفين فى السعودية وكمان الراجل شغال فى هيئة الامر بالمعروف والنهى عن المنكر
هو دة حال الدنيا وكل المفاسد دى من علامات القيامة الكبرى ربنا يحفظنا

ميرسي يالحن
زي ما بيقولو اللي أختشو ماتو
وأكيد هيحسبوه لسه
يلاه أنتظرو مني المزيد

لا اله الا الله
فعلا
اخرة الدنيا دى وحشة
واحنا الى بنعمل فى نفسنا كدا

طيب ياجماعة محدش هيكتب اخبار خلاص اكتب انا

بصو انا قرأت الخبر ده فى جريدة المصرى اليوم

مش عارف انتو رايكم ايه

مدرس يقتل تلميذاً بالإسكندرية لأنه «لم يحل الواجب»

كتب

نبيل أبوشال وناصر الشرقاوي

٢٨/ ١٠/ ٢٠٠٨

الطفل إسلام الذي راح ضحية العنف من المدرس

.............................

لم يعرف عمرو بدر «٣٧ سنة» أنه سيرسل ابنه صباح أمس إلي المدرسة الابتدائية،
مثلما يفعل كل صباح، فيعود إليه جثة هامدة. لم يكن يعرف أن قوانين
«العقوبات المدرسية» تطورت، وتشددت، وأصبح القتل عقوبة «عدم حل الواجب».وقف
إسلام عمرو «١١ سنة» في فصله بمدرسة سعد عثمان الابتدائية بالإسكندرية،
بينما مدرس الرياضيات هيثم نبيل عبدالحميد «٢٣ سنة» يعنفه، ويوبخه، لأنه
«لم يحل جزءًا من الواجب»، فهم بضربه بالمسطرة، ولما لم يستجب التلميذ قرر
عقابه «انفرادياً» خارج الفصل، وضربه بقسوة في بطنه، أصيب بعدها
إسلام بإغماء، وانتقل إلي مستشفي «شرق المدينة» يعاني ضيقاً بالتنفس
والنبض واتساعاً في حدقة العين، حتي توفي نتيجة هبوط حاد في الدورة
الدموية والقلب، وفشل وظائف التنفس والمخ.أمام نيابة المنتزه،
اعترف المدرس بارتكاب الواقعة، وقال إنه ضرب إسلام بغرض «تأديبه فقط وليس
قتله»، وجهت له النيابة تهمة القتل الخطأ، وقررت حبسه ٤ أيام علي ذمة
التحقيقات.وفي الإسكندرية أيضاً، أصيب الطالب حسام أحمد جابر «١٦
سنة»، طالب بمدرسة الشهيد إسماعيل فهمي الصناعية، بكسر في العنق والظهر
والجمجمة ونزيف في البطن، أثناء محاولته القفز من الدور الثاني للهروب من
المدرسة.

تسلم ايدك يامحمد على الخبر
بس بجد شى محزن جداااااااااااااا