اختي المنقبه من اجل سلامة بناتنا رجاء خلع النقاب

المتابع لقناة الساعه يجد برنامج اسبوعي يقدمه الاستاذ مصطفي بكري مساء الجمعه يتحدث فيه عن قضايا المجتمع
وفي الحلقه الماضيه تحدث عن سلسلة حوادث وقعت في قريه تدعي منية النصر بمحافظة الدقهليه
نفس السيناريو ل7 حوادث
سيده منقبه تنفرد بطالبة ثانوي في اللعين التكتك وتسدل ستائره(لا اعلم لما له ستائر من الاصل)وتضرب الفتاة علي راسها لتفقدها الوعي بعد فتح حوار يستشف منه السائق انها علي علاقة بالفتاة
بعدها تاخذ الفتاة معها ثم يتم العثور علي الفتاة وقد تم اخذ عينة دم منها وفقدت مصاغها وتم القائها بمكان مهجور
7 حوادث في قريه واحده وبحسبه بسيطه نجد الف حادثه في المحافظه و26الف حادثه علي مستوي الدوله
والسلاح الاساسي هو النقاب
اذا كان النقاب فرض علينا من الله ورسوله فليس لنا الا سمعنا واطعنا
اما اذا كان سنه يثاب فاعلها ولا يعاقب تاركها فلنا وقفه
ان اركان الاسلام يعفينا الله منها في ظروف معينه
فيرفع الصوم اذا كان المسلم مريض او علي سفر
ويرفع الحج اذا كان المسلم غير قادر
فما بالك بالنقاب
وانتي يا اختي المنقبه الا تخلعين نقابك في الضرورة؟الا تخلعينه في منافذ السفر؟وفي كمائن الشرطه؟وفي التعامل مع مصلحه حكوميه تشترط ذلك؟
اليس صالح المجتمع وسلامة بناتنا ضرورة؟واي ضرورة اقوي منها؟
ان درء المفاسد مقدم علي جلب المصالح وهي قاعده شرعيه هامه
كم من الجرائم تقيد ضد مجهول لان الشهود قالوا ان الفاعل (سيده منقبه)وهي ليست سيده من الاصل
وكم من مجرمين استخدموا النقاب كوسيله لتسهيل ارتكاب الجريمه
ان العيب اختي ليس بك ولا بالنقاب
ولكن الوضع الحالي في مجتمع كمجتمعتا يدفعنا دفعا لان تكون وجوهنا مكشوفه
اليس في الحجاب بديل؟اليس الخمار يوفر الحشمه والوقار والزي الاسلامي الذي ارتدته امهات المؤمنين؟
الا يعتبر النقاب مغالاة في الدين يستخدمها ضعاف النفوس للوصول لمارب دنيئه؟
لذا رفقا ببناتنا اختي المنقبه من اجلهن تخلي عن نقابك

اة والله عاد الناس الوحشة بتستخدمة وسيلة للتخفى وعمل اغراضهم الدنيئة
انا شفت مرة تاجر مخدرات مطلوب ومرصود خارج بالنقاب ولما لمحوة المخبرين جروا وراة وهوا جرا بالنقاب وكانت حاجة مسخرة خالص الناس مبقتش عارفة تعمل اية تضحك ولا تعمل اية

الا يعتبر النقاب مغالاة في الدين يستخدمها ضعاف النفوس للوصول لمارب دنيئه؟
لذا رفقا ببناتنا اختي المنقبه من اجلهن تخلي عن نقابك

النقاب عمره ما كان مغالاة فى الدين
تشريع ربنا عز وجل عمره ما كان ضرر
ولكن للاسف الناس بتستعمله بطرقة خطأ
وزى ما فيه القبائح ياما ناس منتقبة وملتزمة بتعاليم وشرع ربها
بدل ما ندعو لخلع النقاب
يا ريت ندعو لاستعماله بالطريقة اللى ربنا شرعها
ونحاول نلتزم بتعاليم ربنا اكتروبلاش نسمع كلام الجاهلين
اللى بيفتوا على الموضه

وانا اسفة للاطالة لكن الموضوع اخذنى بشدة

بجد الموضوع مهم جدا وكانت بردوا بينظموا حملة لتوعية النساءالمنتقبات بان النقاب عادةوليس عبادة
وكانوا يدعونهم لتركة لما فية من اضرار ع المجتمع
بجد تسلم يا محمد ع طرح الموضوع

كم انت مظلوم ايها النقاب فى زمن ابيح فيه كل شىء قبيح ؟
كم من الجرائم ترتكب باسمك ؟
العيب ليس فيك ايها النقاب
العيب فى زماننا لمقلوب
وهل الجرائم لا ترتكب الا بالنقاب فقط ؟
ولماذا يتم التركيز على الجرائمالتى ترتكب باسم النقاب ؟
هل هى حملة مدبرة لمنع النقاب فى مصر ؟
جرائم اخرى كثيرة ترتكب وليس الفاعل منتقب ولا يتم تهويل الجرم برغم من بشاعته او كبر الجريمة ولكن اذا كان الفاعل منتقب مهما كانت الجريمة اصبحت القضية راى عام ونادى كل من هب ودب بخلع النقاب
جرائم كثيرة ترتكب ويكون الفاعل منتحل شخصية ظابط ويلبس البدلة الميرى فلماذا لا تطالبون الشرطة بخلع الملابس الميرى والكثير من هذه الانواع
من يصلى ويلتحى يعتبر ارهابى ومن يشرب المخدرات يعتبر طيش شباب ( هذا هو تصنيف مياحث امن الدولة ) ومن تتبرج يعتبر شىء عادى اما اذا انتقبت يحظر دخولها ميادين العمل او الجامعات وتكون حياتها مهددة فى اى لحظة من المباحث ليس لسبب سوى انها منقبة
زماننا اعتبر كل شىء صح هو غلط وكل شىء غلط اصبح هو الطبيعى

محمد هسالك سوال ؟

الموضوع ده من وجهة نظرك انت ولا من وجهة نظر مقدم البرنامج فقط وانت حبيت تنقلها ؟؟

لو وجهة نظرك انت كمان كده وعلى قناعه بالكلام ده يبقى الموضوع كبير ومش هيعدى كده وافتحها بقى على البحرى واقول اللى فى قلبى

انما لو بتنقل وجهة نظر البرنامج

فانا بقولك بصراحه معلش وجهة نظر زى دى ما ينفعش انك تنلقها لانك بتشكك وبتدعو لترك فريضه زى الصلاه والصوم بالظبط

وانا مش هرد على ناس زى دى سفهاء دعاة الانحلال

من الاخر الكلام فيهم خساره

ووحيد قام بالواجب

تسلم

وخلى بالك

:eeeeeeo

الاول احب اشكر كل من مروا على الموضوع وافادونى بأرائهم
يا حاج احمد مبدأيا انا نقلت الموضوع وزكرت المصدر بتاعه وده دليل اننا بنقل وجهة نظر المصدر مش وجهة نظرى انا
ثانيا بقى والاهم ان الموضوع مش غرضه الاأول والاخير انه رفضه لمبدأ النقاب او رفضه لشريعة اسلاميه
لكن له اغراض تانية منها محاربة الى بيستخدمو النقاب غلط وممكن توعية الناس لألى بيحصل بحيث انهم ياخدو حزرهم من الى قدامهم حتى لو كانت منتقبة

يا حاج محمد الجواب باين من عنوانه : : اختي المنقبه من اجل سلامة بناتنا رجاء خلع النقاب : :

ده ايه يعنى

ده كده تنبيه من الاستخدام الخاطىء للنقاب ؟؟؟ !!!!!

ده نداء واضح وصريح لترك النقاب يا حاج محمد

حتى لو مضمون الموضوع غير كده

بس هو كده برده

يكفى العنوان

وبرده ابعد عن المنطقه دى

يا سيدى انت غلطان برده

هجيلك :eeeeeeo

انا رأيى معاك يا اخ احمد انت ووحيد

يا محمد مينفعش تدعو حد لخلع النقاب
ممكن تنصحهم ازاى يستعملوه صح ويبعدوا عن الخطأ

لان دى فريضة من ربنا