يا تعليم مصر يا.......

هتكلم بكل تواضع و حرية رأى لانى واحده زى اى حد فى الثانويه العامه بيشوف بلاوى سوده كل يوم فى الامتحانات
اللى يقطع الورقه واللى يصوت ويلم عليه اللجان واللى ينط من الشباك ويموت نفسه فى وقت الامتحان واللى يرمى ورق
الاجابه كل دى حاجات غريبه بصراحه اول مره فى حياتى اتعرض ليها السنه دى .
اهالينا بتموت نفسها طول النهار من الشغل علشان يدخلونا كل الدروس ونكون مرتاحين فى دراستنا واحنا بنكافئهم
بكل ده وبنذاكر ونجتهد وده اللى طبعا مش بيحصل من اول السنه بنعمل كده لما بنحس ان الوقت ضاق علينا
فبالصريح كده بنلحق نفسينا اهو نجمع كام كلمه قبل ما ندخل الامتحان
نذاكر كتيير ونتعب اكتر وبعد ده كله يجى واحد فاشل ياخد ورقه الامتحان وكان الله بالسر عليم ياخد ورقة الاسئله
بالاجابات ما هو ابن باشوات طبعا وباقى الطلبه اللى حلمهم نص فى الميه علشان يدخلهم كليات قمه علشان ربع نمره ناقصه
يقولوله شكرا يابنى ملكش حاجه عندنا واملى يضيع غير ابن البشوات اللى يدخل طب او هندسه
غير الامتحانات اللى بتيجى اجارك الله ربنا ما يوريكم :D يدونا امل فى العربى ويموتو امالنا و طموحتنا فى باقى المواد ويجيبو اسئله
من خارج كتب المدرسه اللى بيتباهو بيها واللى عايزنا نحفظها صم والنتيجه ان الاحلام تدمر و الطلاب يموتو والاهل
يتحصرو والمجتمع فين؟؟ ضايع ...ده غير مصيبة العلمى كمان اللى دايما ملطشين معاه والادبى ع راسه ريشه هو الكل فى الكل
لدرجة ان خلاص شعبة العلمى هتختفى انا كان حلمى ان ادخل علم رياضه بعد اللى شوفته السنه دى بتندم ع اليوم اللى دخلت
فيه علمى بجد عظيمه يا مصر
وسورى ان كنت طولت عليكم
ياريت تشاركونى الرأى عايزه اعرف ارأكم فى الموضوع ده

يا عينى يا بنتى دة انتى مقهورة
عالعموم عادى دى مش جديدة على مصر كل حاجة كوسة وكل حاجة ولاد البشوات اولا جت على دى
بس انا امبارح سمعت حوار لفاروق جويدة على دريم وعلق عالموضوع دة وقال
الروس اولا الاكابر بينجحوا ولادهم بالغش ويدخلوهم الجامعة بالغش ويشغلوهم بالغش اذن فى المستفبل ستدق الطبول على دماغنا كلنا
يلا يا نور شدى حيلك كدة وانزلى بمواضيع جامدة

دى مأساة الثانوية العامة
الحقيقة دى قصة مصر كلها بتعيشها وهتعيشها الايام الى جاية
الله ينتقم منهم الى كانو السبب
بس انا الى شاكك فيه انهم اخترعو قصة الثاوية العامة دى عشان يشغلو تفكير الناس عن حاجت اعظم واهو الشعب غلبان بيجرى وراء اى حاجة
والبلد بتولع
والحاج الكببير بيقول احنا فى تقدم والاقتصاد عالى
نسبة انتحار طلبة الثانوية ارتفعت عن نسبة انتحار ضحايا الحب
الله ينتقم منهم الى كانو السبب

مشكورة يا نور على موضوعك الجميل ده بجد يجنن وكويس انك فكرتى تكتبى موضوع زى ده تعبرى فيه عن رايك
وعاوز اقولك خدى حريتك خالص اكتبى كل الى نفسك فيه انتى لسة سنك صغير ومنتجعات مبارك مبتاخدش اقل من 18 سنة
لسة قدامك 3 سنين العبى فيهم

ومنورة المنتدى يا قمر

نو كمنت

علشان انا لو علقت مش هبات فى بيتنا

بس فعلا ربنا يقويكى

و ربنا يوفقك

و ان شاء الله

هتنجحى

و هتبقى أحسن واحدة فى العائلة

لا مش فى العائلة

هتبقى احسن واحدة فى الشارع بتاعكوا

لا ولا الشارع

هتبقى احسن واحدة فى المحافظة

لا ولا المحافظة

هتبقى احسن واحدة فى الجمهورية

لا ولا الجمهورية

بقولك ايه لما تنجحى نبقى نفكر

هتبقى احسن واحدة على مستوى ايه ؟؟؟؟

اولا ميرسى يا سوكتى جدا ع المرور وانا كمان اتفرجت اليوم ده ع فاروق جويده حتى الراجل طهقان من نفس الموضوع
ميرسى يا سامى وايمن جدا ع المرور واتمنى اكون اخت ليكم واقدر اقدم حاجه للمنتدى باذن الله

احنا اللى يشرفنا انك تكونى اخت لينا

و يا ريت متكونيش زعلانة من التهريج بتاع امبارح

هههههههههههههههههههه زعلانه ايه بس يا ايمن باشا ده انا ام وابو الهزار
ولو عايز العيله كلها عندنا :D كلنا هنا المفروض عيله واحده
8) واصحاب واكيد عمرنا ما نزعل من بعض

البقاء والدوام لله
فى التعليم فى مصر
انتقل الى رحمة الله تعالى
وزارة التربية والتعليم
واقطع دراعى لو مصر طلع فيها علماء تانى
ومصر كلها هتبقى سوسو وتوتو
علشان الحكومة ترتاح
حضربة الظابط توتو وحضرة المستشار سوسو
والدكتور ميمى
رايحة على فين يا بلد<<<<<<<<<<<<<< ارجعى تانى

حيث كدة بقى يا نور

فانا سحبت اعتذارى

هههههههههههههههههههههههههههـ

ههههههههههههههههههههههههههههه ربنا يخليك يا باشا
بس انا تقريبا لسه زعلانه شويه

متزعلى يا سلام

مش كلها يوميين برضه

و خلاص

ولا

ارجع اعتذارى

:cry: :cry: :cry:

يا صديقه انا حلمى نفسه : لو حلمتى هتوصلى ولو محلمتيش مش هتوصلى وثانيا انا فى كلية تجاره رابعة استفدت بايه من 15 سنه تعليم الا حاجه واحده هى الكوسه لسه هتمرى بتجارب الحياه من جامعه وتعليم وصداقه وحب وجواز وثالثا انتى بنت فياسه من ايه انما احنا شباب نعمل ايه بدام انتى كده انا مش بقول كده لاحبطك ولكن هتفهمى ده بعدين pls don.t worry

فعلا معاكى حق يابنيتى كل طلاب ثانوية عامة عايشين في قلق وماساة الامتحانات
بس دخول الامتحانات والاجابات مش بس للثانوية العامة لا دا بقت كوسة في كل المراحل
وفعلا التعليم اتدهور خالص هنا بس يعنى يمكن مش عايزين حد يتعلم
لان البطاله تعم ع الكل فبيوفروا في البطاله ويشغلوا الناس ارحم

دا بقي غير مكتب التنسيق اللي بيدوخ الطلابة معاه وبيموتهم خالص
فيدخل واحد كلية وهو مش عاوزها عشان مكتب التنسيق امر بكدا ومش بادين
بس لازم كل واحد يعمل ع انة يحقق حلمة حتى لو مقدرش ع كدا يتفوق في المجال اللى هو فيه مش يستسلم

الله يرحم التعليم