**محكمــة ..الحـــب والرومانــسية ...!!!!

والله العظيم حرام عليكى يا دودو كل دى اسئلة انا تعبت من كتر القراءة عملتيها وهربتى؟
تسلموا والله واضح ان كلكوا مجروحين

على فكرة واضح بيتهيالى ان انتوا نيستونى عشان كدة انا مش لاعب معاكو اللعبة دى عشان انا زعلان منكو

اسمك وسنك :
احمـــــد /يوم 8/1 اللى هو امبارح يبقى 20 سنة بالضبط ومفيش حد قالى كل سنة وانت طيب مش مهم

حلم ليك ونفسك يتحقق:
نفسى اشتغل فى الشغلانة اللى بحبها وهى مجال الدعاية والاعلان والحلم التانى ان انا الاقى بنت الحلال اللى تحبنى واحبها وتتدخل معايا قفص الزوجية

كم مره كان فى قصه حب فى حياتك:
قصة حب حب يعنى ولا مرة ان انا حبيت واحدة وهى حبيتنى مفيش خالص بس فية بنات كتير كلمونى واعترفولى بحبهم وانا رفضت لانى مكنتش حاسس باي ميول ناحيتهم فمرضيتش اخدعهم احنا عندنا ولايا ياعم الحاج بس مستنى اهو اللى تحبنى واحبها بس مش عارف لية هى اتاخرت اوى

هل ممكن تحب اكتر من واحد فى وقت واحد؟
لا طبعا دة مش حب بقى دة صاحب بالين كداب

انت خْنت حد قبل كدا؟ هل انت اتخنت قبل كدا؟
انا بطبعى طيب مش بعرف اكدب ولا اخون حد من ناحية اتخنت انا اتخنت كتير اوى من ناس قريبين ليا

ايه هى مواصفات فتاة احلامك؟ وهل وجدتها؟
1- روحها حلوة 2- بنت محترمة تتقى الله فيا وترد غيبتى لو انا غيبت 3- اهلها ناس كويسين محترمين لان التربية السليمة هى الاساس 3- يبقى فية قدر من الجمال ولو بسيط 4- انها تكون بتحبنى بجد

كرامتك أم حبك؟؟؟
لا طبعا كرامتى لان لو حد داس على كرامتى يبقى مش بيحبنى اساسا اذا كان مش مراعى كرامتى هيراعى حبى؟

هل الخيانة تحطم قلب الشاب او الفتاة اكثر ؟؟؟
الخيانة لا تفرق بين الشاب ولا الفتاة هى زى الاعصار اللى بياخد كل اللى فى طريقة

هل دمعة الشاب في الحب ضعف ؟؟
لا دى قمة الحب اللى فى الدنيا تخيلوا الراجل اللى بطبيعتة مش بيدمع اللى فى اقوى الظروف ويدمع عشان بيحب دى قمة الحب اللى فى الدنيا ممكن البنت بالنسبة لها الدموع حاجة سهلة لان البنت دى ارق مخلوق خلقة ربنا فهى حساسة اوى لكن الرجل المشاعر والعاطفة عندة مش زى البنت

هل هناك حل لمشكلة الحب من طرف واحد ؟؟؟
على فكرة المشكلة دى صعبة اوى وملهاش الا حل واحد ان الطرف التانى يحس بالطرف الاول لان لو انا لقيت البنت اللى طول عمرى بحلم بيها ولما القاها تطلع مش بتحبنى ولا حسة بيا دى اكبر مشكلة على فكرة انا جربت الحب دة كام مرة كدة

ما رأيك بالفتاة االتي تبدأ بعترافها بحبها لشاب ؟؟
انا رايى ممكن يختلف علية الناس بس فكروا كدة لو البنت اللى هى خجولة جدا جدا وتتحدى كل الحواجز وتتحدى الناس ويجيلها الجرأة ان هى تروح لواحد وتقولة بحبك دة قمة الحب وبتحبة اوى كمان وعلى فكرة الحب من اكتر الدوافع اللى ممكن تحرك الانسان وتخلية يعمل اى حاجة ويتحدى كل الظروف ولا انتو مش معايا

مأريك في شاب يتخلى عن فتاة تحبه لظرف ما؟؟
لا مهو مهم نعرف الظروف دى لان فى احيانا ظروف تمنع ان هما يكملوا ويبقى الحب دة زى ما كاظم قال الحب المستحيل بس طبعا بتبقى ظروف اية بقى فوق الوصف بتبقى ظروف جامدة جدا تخيلوا الظروف اللى تمنع اتنين بيحبوا بعض انهم يكملوا الظروف تخلوا مثلا ظرف من الظروف دى ان انت حبيت واحدة وهى حبيتك اوى اوى ومش قادرين تتخلوا عن بعض وجيت بقى عشان تقول لماما انا بحب فلانة اوى يا ماما وعايز اخطبها وفاجأتك ان انتوا راضعين على بعض مثلا؟؟؟؟

اول مرا تحب كان عندك كام سنه ؟؟؟؟؟؟؟
انا لسة محبتش لحاد لوقتى بس انا اتحبيت قبل كدة وكنت فى اولى ثانوى دى اول مرة اتحب فيها

اسم اول حبيب ليك؟؟؟؟؟؟؟
????????????????? لسة مجهول

عمرك حبيت من طرف واحد قبل كده ؟؟؟؟؟؟؟
اكيد مرة

فى الوقت الحالى بتحب ولا موش بتحب ؟؟؟؟؟؟؟
لا والله لسة مستنى

مين ايلى كان نفسك تحب ويحبك ومحصلش نصيب ؟؟؟؟؟؟؟
كانت واحدة معايا فى الكلية ومحصلش نصيب اكتشفت انها كانت مرتبطة

كام مرا حبيت وتجرحت او اتخنت او اتخدعت ؟؟؟؟؟؟؟
انا لسة محبتش بجد لسة انا اتجرحت كتير قبل كدة مرة منهم لما كنت رايح اعترف لواحدة وقاعد اقول واعيد وكنت هعيط وانا بقول وفى الاخر تقولى طيب و انا اعمل اية قولولى انتو انا اعمل اية انا كنت فى قمة الاحراج قالتلى انا بفكر فى الدراسة ومش بفكر فى الحب وفى اخر السنة انا روحت تانية وهى فضلت فى اولى شوفتوا اللى بيجى عليا

امتا كان نفسك يكون ليك حد تحب ويحبك ؟؟؟؟؟؟؟
دلوقتى اكتر وقت انا فعلا محتاج فية للحب

مين اكتر انسان حبيت وكان نفسك انو يحبك ؟؟؟؟؟؟؟
زى ما قولت كانت واحدة معايا فى الكلية

مين اكتر واحد حسيتي انك لما تحبي هتكوني سعيدة معاه ؟؟؟؟؟؟؟
اكيد اللى هحس انى هبقى سعيد معاها اللى هيكون لها الشرف انى احبها وهى تحبنى

هل تقدر تعيش من غير حب ؟؟؟؟؟؟؟
مستحيل طبعا دة الحب دة
ثورة : يقوم بها القلب لينال ما يريد من المشاعر
الحب ثمرة : تنمو في القلب ، ومتى نضجت تعطي طعما رائعا للحياة

لو حبيت حد تقتدر تقول انا بحبك ولا هتكون مكسوف ؟؟؟؟؟؟؟
لا طبعا انا لو حبيت حد هقف فى الشارع واقولة بصوت عالى اوى اوى بــــــــ ـ ـ ــحــــ ـ ـ ــبـــ ـ ـ ـــك

لو حبيت حد قبل كده وعرفت انى سعادتك هكون معاه ومش هتقدر تعيش من غيرو وهو موش بيحبك هتعل ايه ؟؟؟
يا جماعة الحب دة مش بيتشرى ولو كدة كنت روحت اشتريت كيسين من السوبر ماركت الحب دة تبادل لمشاعر نبيلة رقيقة بين الطرفين ازاى قولولى هيبقى حب وهو مش بيحبنى

-الحب من وجه نظرك شكلو ايه ؟؟؟؟؟؟
الحب الحقيقي هو أن تحب الشخص الوحيد القادر على أن يجعلك تعيسا

اول مرا تحبي كنتي حاسة بأيه ؟؟؟؟؟؟؟
لسة لما احب اكيد هقولوكم

لو عرفت انو فى حد بيحبك ومش قادر يقولك هتعملي معاه ايه هتروحي وتكلمي ولا تستني لما هو يجيلك ؟؟؟؟؟
السؤال دة للبنات طبعا مش للولاد لان الولد اول ما بيحب مش بيستنى لحظة ومش هيتكسف طبعا انة يقول ومش هيغلب لكن البنت تتكسف اة

لو حبيت حد وعرفت انو كان بيخدعك هتعمل معاه ايه ؟؟؟؟؟؟؟؟
اكيد مش هزعل لان هيبان ليا انة مكنش يستاهل وهفرح اوى انى عرفت حقيقته

امتا مر عليكي وقت ونتي مضايقة او مخنوقة من الدنيا وهمومها وكان نفسك يكون ليكي حد بتحبي عشان تشكيلو ؟؟؟؟
فى كل يوم الزاحد بيمر علية لحظات بيبقى هيموت من الوحدة ومحتاج انة يحكى لحبيبة على اللى حصلة وصدقونى يا جماعة كل اللى بيحب حد يمسك فية بايدة وسنانة ومش يفرط فية مهما كان لان الحب دة نعمة مش هيحس بيها الا اللى محروم منها زيى دلوقتى

هل ايلى بيحب بيبان عليه عيوبو ولا بيبان عليه ملاك ؟؟؟؟؟؟؟
بصوا من الاخر مراية الحب عامــــية صعب انك تلاحظ عيوب فى اللى انت بتحبة لانك شايفة من غير وعيوب بل واحيانا انك ممكن تحب العيوب اللى فية

هل الغيره فى الحب من وجه نظرك انانيه ولا لازم يكون فى غيره ؟؟؟؟؟؟؟
لازم يكون فية غيرة ولكــــــــن فية حدود للغيرة لان الغيرة لو زادت يبقى انا لللة وانا الية راجعون فى الحب دة لان الشئ الذى يزيد عن الحد ينقلب الى الضد

تحب ايلى يحبك يغير عليك ولا مش فارقه ؟؟؟؟؟
لازم احس بالغيرة من ناحيتة لان لو محسيتش انة مش بيغير عليا ممكن فى وقت احس انة مش بيحبنى او انى مش هفرق معاة ولكن زى ما قولت مش تزودها اوى

هل الخوف من فقدان الحبيب غير الغيره ولا هما اسمين لحاجه وحده ؟؟؟؟؟
الخوف من فقدان الحبيب دة احساس غيبى ممكن الواحد يشعر بية انة فى يوم من الايام ممكن يفقد فية حبيبة لاى ظرف ولكن الغيرة دى شدة حب

الغيره من وجه نظرك خوف عليكي ولا تمسك بيكي ولا اهتمام بيكي ؟؟؟؟؟؟؟
الغيرة هى التلاتة دول انا لما اغير على حبيبتى اكيد هيبقى بسبب خوفى علها وتمسكى بيها وفى نفس الوقت اهتمام بيها

*** دى وجهة نظرى يا جماعة واتمنى انها تكون صح وخلوا بالكو من اللى بتحبوهم ومش تفرطوا فيهم بسهولة
وبرضة محدش قالى كل سنة وانت طيب لان امبارح اللى هو8/1 كان عيد ميلادى العشرين وكل سنة وانا طيب وانتوا كمان كل لحظة وانتوا مع اللى بتحبوة
وأخيراً
إذا اكتشفت ان كل الأبواب مغلقة
وأن الرجاء لا أمل فيه
وأن من أحببت يوماً أغلق مفاتيح قلبه
وألقاها في سراديب النسيان...
هنا فقط أقولك إن كرامتك أهم كثيراً من قلبك الجريح
حتى وإن غطت دماؤه سماء هذا الكون الفسيح
فلن يفيدك أن تنادي حبيباً لايسمعك
وأن تسكن بيتاً لم يعد يعرفك أحد فيه
وأن تعيش على ذكرى إنسان فرط فيك بلا سبب
في الحب لا تفرط فيمن يشتريك...ولاتشتري من باعك