اجريوم الدمار ام العمار

اجريوم الدمار ام العمار

تم اعتماد انشاء مصنع اجريوم للسماد فى مدينه دمياط وبالتحديد فى منطق راس البر واكثر تحديدا فانها على بعد 6 كيلو متر من دمياط و3 كيلو عن راس البر ولكن هذه المشكله التى تفجرت فى وقت سابق فجرت معها العديد من المشاكل ومن اهمها غياب الوعى التنظيمى وغياب الشبكه التعامليه بين الوزارات

فى مشروع اجريوم مثلا كيف تم الموافقه على بناء المصنع وهو مشروع بتروكيميائى وهذه المشاريع طارده للسياحه

اين كانت وزاره السياحه عند بناء هذا المشروع واستغاثه الالاف المواطنين من عدم بناء هذا البناء الكارثى فى مدينه دمياط

كيف سمحت الدوله فى اقامه هذا المشروع المدمر بكل المعانى للبيئه بجانب شئ هو من اجمل واعظم الاشياء الموجوده فى مدينه راس البر عند اللسان وهو تقابل الماء المالح مع الماء العذب وايه من ايات الله سبحانه وتعالى

كيف سمحت الدوله بقتل وتدمير الاراضى والبشر فى تلك المنطقه واعطائهم تصاريح ببناء مثل هذا المشروع فى تلك المنطقه

الشروط البيئه لانشاء هذا المشروع ان تكون على بعد لايقل عن 40 كيلو متر من اقرب منطقه سكنيه وليس 3 كيلو متر

ولكن ليس هذا هو موضوعى ولا ما اريد التحدث عنه ما اريد التحدث عنه هو الفسسسسسسسسسسسسسسسساد

اولا : المعقد المبرم ما بين الحكومه المبجله وشركه اجريوم الكنديه كيف تم الاتفاق عليه من اساسه دون التاكد من ملائمه الارض للمشروع ومراعاه السكان هناك

ثانيا : هناك 25 مليون دولار رشوه وهو ما اعلنه السفير الكندى منذ فتره لتمرير المشروع (شفتوا كده فى الدنيا بزمتكم حسبى الله ونعم الوكيل )

ثالثا: الحكومه المصريه اعادت 18.5 مليون دولار (دول بتوع الرشوه خليكم مركزين ) ورفضت وزاره الرى اعادت مبلغ 3.5 مليون دولار والتى حصلت عليها (قال ايه لتطوير فرع دمياط ) والغريب ان فيه 3 مليون دولار لسه معترفتش بيهم اى جهه حكوميه اخرى (يمكن بعد التعديل الوزارى يطلعوا )

رابعا : ان الحكومه المصريه لها 40 % والجهه الكنديه لها 60% يعنى الاداره لكله كله للكنديين وتحمل فى معناها بيع للمتلكات المصريه

خامسا : أصل التعاقد تم تحريره بين هيئة ميناء دمياط كطرف أول والشركة القابضة لصناعة البتروكيماويات كطرف ثان وذهب التعاقد الي حق الطرف الثاني في تأسيس شركة أجنبية تحصل علي 76% بينما الجانب المصري يكتفي بـ 24% فقط وأن الخلاف علي بنود التعاقد يتم حله باللغة الانجليزية علي الأراضي الفرنسية.. واستمر العقد الجريمة في التطاول حيث حصل علي الأرض والغاز والمياه التي قدرها بـ 1200 متر مكعب في الساعة بما يعادل حوالي 11 مليون متر من المياه العذبة سنوياً.

وباختصار بدأت اللعبة حكومة مع حكومة هيئة ميناء دمياط مع الشركة القابضة لصناعة البتروكيماويات وبعدها يحط الشريك الأجنبي ليأكل الأخضر واليابس الثروت وصحة البشر ودمار السياحة في رأس البر والبنية الأساسية كلها في دمياط يعنى بلدنا كان عليها السلامه بجد

ولكن السؤال هو هل وصل الفساد الى هذا الحد من عدم مراعاه لشعور المصريين يعنى لو انت حرامى خليكى متدارى لكن كده عينى عينك

حسبى الله ونعم الوكيل فيك يا مبارك ويا عز ويا نظيف خربتوها اشوف فيكم يوم

ماحنا كشعب يعنى مش بادينى نعمل حاجه غير كده انك تقعد تدعى على الظالم لكن ولا اضراب نافع ولا اى حاجه نافعه

المشكلة انهم فى مشاريعهم دى هدفهم الاول هو الربح المواطنين يموتو يجيلهم سرطان يتحرقو بجاز مش مشكلة المهم ان البهوات ياخدو فلوس
طيب شعب مصر الى بيتضرر بالمشاريع دى المفروض على الاقل الشعب هو الى يستفيد بالربح ده لكن للاسف متعرفش بيروح فين

غير اننا بنشوف عربيات جديدة وشقق جديدة لووزراء واصحاب الحكومة
ثورى انى بقول شقق اقصد فيلات وعماير

بالنسبة لموضوع المصنع هما مش مكفيهم الى هيتضررو بالمواد الناتجة من المصنع لا دى الحقيقة الى ظهرت بعد كدا
ان المصنع لازم يكون على النيل لانه هيسحب كميات كبيرة جدا من المياه يوميا
وطبع الكميات دى مش هيشربوها لا طبعا اكيد هيحتاجو يسربوها وطبعا مفيش قدامهم غير النيل الى بنشرب منه يسربو فيه

ربنا يجازى الى كان السبب فى الى احنا فيه ده
ومشكورة يا اميرة الرومانسية بجد الموضوع اكتر من رائع ومنورة المنتدى

لكن السؤال هو هل وصل الفساد الى هذا الحد من عدم مراعاه لشعور المصريين
قصدك تقولى عدم مراعاة ادمية المصرين
الفلوس عمت النفوس
صحتنا ولا فلوسهم
عيانا ولا حفلاتهم
جوعنا ولا طمعهم
بكانا ولا فرحهم
كرامتنا ولا نفوزهم
اعقليها كدة وفكرى وانتى تعرفى الاجابة

طب انا اعمل ايه دلوقتى
المشكله دى تروحى تقوليها للمحافظ وللناس بتوع البيئه والناس بتوع السياحه وتسيبيهم قفشين فى بعض وتبلغى فرار

سمعت خبر سعيد
انه تقرر نقل المصنع خلاص من دمياط
وبيفكروا ينقلوه السويس
واهل السويس كمان اعترضوا
يا عينى يا حكومة هتلاقيها منين ولا منين
مفيش حد فى الشعب بقى طايقك يا حكومة لا انتى ولا رئيس الجمهورية

مير سى لكل الرد واضافة للموضوع