مبارك ينصح بوتين بعدم التخلي عن السلطة
ياعم بوتين اعقل**** ها تسيب السلطة ليه
ما انا ربع قرن قاعد**** حصل لي بس ايه
دا الكرسي يا ابني جنة**** للي بيقعد عليه
تبقي البلد ف ايدك **** مفتوحة ولا البوفيه
تغرف وتملا جيبك*** وجيوب ولاد الايه
وتخدم اصدقائك**** ف أميركا والاليزيه
*****
اطلب من بوش فترة **** وها يخسر يعني أيه
دا كريم وايده فرطة**** بس انت اضحك عليه
قل له ان الفودكا ملكه**** والكافيار والفيليه
قل له ان الغاز بتاعه**** ما تعزش شيء عليه
قل له أنا قاعد بحسك**** ومصيرك بين أيديه
ابعت نظيف بتاعك**** فهمه ها يقول له ايه
يقول له بوتين عاوز**** الى يطبطب عليه
*****
لو شايفه فاتح بقه**** على حد م الجيران
اعمل نفسك مطنش**** خليه ياخد الامان
وبعدين اعمل منظر**** يعني تطلع بيان
دي أمور أنا مجربها****وبأعملها من زمان
تبقي انت واحد منا**** وتنضم للخلان
*****
ياخسارة دا انت نونو**** لسا ف سن الشباب
ليه تترمل في عزك**** وتسيبها للكلاب
لو فيه عندك عيال**** يبقالها الف باب
دا السلطة البعد عنها**** بدون الموت عذاب
ها تبقى ايامك صعبة**** وتشوف النوم سراب
أنا ناوي اخدها دايركت**** من الكرسي للتراب
*****
بس انت اديني رنة**** وانا ابعت لك سرور
ترزي لكن معلم**** أيده تتلف ف حرير
دا حجة ف المغالطة**** ومكلمة في الزور
يعمل م الحق باطل**** ويسمي الضلمة نور
في سهرة واحدة منه**** ها يظبط الامور
لو كان دستوركو عاصي**** يحلبه لو حتى تور
_____________________________________________
ابن البلد
عجبى عليك يا زمن
فيك العجب الوان
فيك ابن الحلال الجدع
واللى مالوش امان
فيك الولدابن البلد
اللى على الحب اتولد
واللى حياته انقسمت
حبه فرح وكتير صبر
وفيك اللئيم اللى سرق
وعبا فلوس من غير عرق
وناسى ناسه والبلد
واخرته فى النارغرق
تعيش لنا يا ابن البلد
وتعيش لآهلك يا ولد
__________________________________________
شعر جديد للشاعر المناضل احمد فؤاد نجم
دا شعب فقرى
نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ……. نسترحمك
نستعطفك …….نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقري مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد “غازه” لإسرائيل
ويومين كمان ويمد نيل
أهو يعني نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد “مستوطنة ”
(متسلطنة بالسرطنة)
إيه اللي خدناه م الكرامة والإباء
حبة خطب وكلام…كلام
إحنا راهنا على النظام
ورضينا بخيار السلام
(بخيارحنسد عين الشمس بيه)
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس وأقب وأعود
بشعب يريحك
راضي وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم
للشاعر الكبير احمد فؤاد نجم
________________________________________________
آه يا بلد
اه يا بلد كوهانى ليه كرهانى فى ديما ليه فكرانى و الفرح ديما نسيانى
اه يا بلد ولد اتقتل مظلوم ولو عاش عاش مغموم ولو قال اضرب من ايد حكومتك باكوم
اه يا بلد كرهتك بكل بساطه مع انك مظلومه زى
بس هو مين فى الدنيا زى
انا بنت النيل والشمس و الارض الاصيله
تهت فى وسط الزحام و الوكسه قليله
يا بلد ثورى بأه كفايه و النبى كفايه
العيال شابوا و النسوان دابو الراجل خابوا
ما فضلش الا انا لو اتجننت شويه
لو فجرت شويه لو اتنمردت شويه
طب اعمل ايه
ينعل دى عيشه مش متعاشه . و كبار اكلوا البغاشه
واحنا يا عينى مسكينا بكماشه
مبروك يا جمال باشا
عروستك الحلوه
وشـــــــــــاوبش العريس وصل النقطه من دم الغلابه المساكين
مبروك يا جماك عيك الكرسى
واحنا مبروك علينا الى فينا ؟؟؟؟؟؟؟؟؟؟؟
بس خلص الكلام
_________________________________________
سعد زغلول قال مفيش فايدة
مصر بقت خرابة..بقت بلد سايبة
مفيش حد فاهم اي حاجة
طب لزومها ايه البهدلة
هج يا عم..استريح..دة شغل بلطجة
في بلد مش مضبطة
في عهد مبارك الانجازات قليلة
طبعا..25 سنة من التخلف العقلي مش حاجة هينة
مش موضوع نتغاضي عنه او ننساه
دة دين ضاع و شرف امة اتوكس و احنا نسناه
كانت بلد الامن و الامان..كانت نصر عظيم
دلوقتي في عهد مبارك الناس خرفان مش فاهمين
امتي هتصحي يا امة..امتي تفوق يا شعب
خليك يد واحدة و اقف و قول:لا
مش هنسكت تاني خلاص تعبنا
ملينا..زهقنا..و من الفقر اتوجعنا
و من الجوع اتفحمنا
و من التخلف شفنا
و من وعود كتييييييييييير اوي شفنا
ضاقت بينا الدنيا و لا احنا فاهمين
كل يوم بتزيد قسوة و احنا و لا حاسين
الناس يا عيني جعانين..متشردين
من الزبالة واكلين
و ناس تانية في حي مصر الجديدة مبسوطيينننن
__________________________________________
و ............... عجبى ؟؟؟!!!
نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!
ازاي شبابنا يقوم و ياخـــــــــد دوره
من غير صراخ يئذيه و يجرح زوره
يا هلتري أحسن له يقعد ساكـــــــــت
أو ينترك و لو خرج عن طــــــوره ؟
عجبي !!!
قالوا السياسة مهلكة بشكل عـــــــــــام
و بحورها يا بني خشنة مش ريش نعام
غوص فيها تلقي الغرقانين كلهــــــــــم
شايلين غنايم .. و الخفيف اللي عـــــام
عجبي !!!
البلد للــبيع
والبييعه هما المشتريين
أعضاء مجلس شعب .. وزرا .. شمشرجيه.. كله بيهلب
واحنا متفرجين
عجبى !!!
___________________________________________
الناس في يلدي فاشلون
علي القهاوي متلاقحون
وعلي اللي جاي واللي رايح ينظرون
وقدامهم التليفزيون
بوس الواو خلي لواو تصح مندمجون
بالسياسه والانتخابات لا يعباون
الناس في بلدي تافهون
مع حركات ابو تريكه يتطايرون
وتجدهم امام البرامج ارياضيه يستمعون
او تجدهم علي الكورنيش يتفسحون
ولو كانوا شباب تلاقيهم في البنات يعاكسون
ولو دخلت قاعة محاضره لاغنيه واركب الحنطور واتحنطرمشغلون
يتمايلون يتراقصون
ولاساتذاتهم لا يحترمون
ولو دخلت موقف سيارات تجدهم
لدين لله يسبون
لو دخلت كلية اداب تلاقي البنات مدلعون
ويشون يتمايلون والشباب ينظرون وينظرون
تجد البنات واثقون
حيث انهم يكادوا لا يلبسون
وتجد خلق لله كلهم ماشيين وراهم يعاكسون
يا سلام لو دخلت غرفة الشات
تلاقي السباب والشتائم
تتطاير
شباب بلدي علي النت اكثر ناس عن كلمة 6 يبحثون
انهم لا يفهمون
جاهلون
تافهون
لا يابهون
لا يعملون
عاطلون
بذمتكم الا يستحقون
بل يستحقون
كل الدمار وفساد الفاسدون
وحكام متهورون
متخلفون
الشعب لذي لا يحترم العلم
فانه يكون ابعد مايكون عن الحضاره والتقدم
________________________________________
الكل جبان
من شعب يملكه القصر
من الجالية المصرية بمصر
إلى زمان القهر…………..
إلى عصر الكبت والحرمان
……………..والفقر
فبلاد فرعون ذي الأوتاد
لم يخلق مثلها في البلاد
أكثروا ….فيها الفساد
أين…….المفر
في بلادنا تعديل …
الدستور………… أمر
في بلادنا القاضي مهان..
محاكم عسكريه ……….
للفرسان
ولأشباه الرجال………
والعاهرات ألف..ألف
نيشان
والكل………… جبان
فنحن شعب يملكه القصر
نحن الجالية المصرية بمصر
_____________________________________
من زماااااااااااااااااان ؟
من زماااان وأنا نفسى أكون …. راجل همام وتمام التمام
من زماااان وأنا نفسى أكون …. راجل من أياهم!! اللى بيقولوا الكلام .
نصحنى العجوز قالى يبنى علشان تكون راجل لازم تمسك الزمام .
طيب أزاى؟ هوة الزمان فى ايد مين علشان اخد منه التمام ؟
أنا حمسك طورية ( فاس )وأزرع الأرض وأبنى نفسى من جديد وأحاول أكون تمام .
بس يا ترى مين حيسبنى أكون داخل الحزام ؟
مش كل من مسك الطورية بئى راجل وبئى تمام .. فيه مرة (ست)بعشرة من الرجال وتمسك الطورية تمام التمام وتزرع وتحصد وتربى تيران
طيب يا عم انت وهوة لو الموضوع كلام فى كلام ليه مزعل نفسك ومش عارف تنام ؟ وعامل فيها حر وراجل تمام ؟
منشوف واحدة من الحريم التمام وتمسك كل حاجة وأحنا كدة كدة لابسين طرح وجفونا مقفولة وودانا مسدودة ومفيش مشاكل
والله انا تعبت من الكلام والحمد لله أنى مش من أياهم أنا رجعت فى الكلام ومش عايز أكون تمام ولا اعرف فى الكلام .. هاهاهاها والسلام يا أهل السياسة التمااااام ,,