اصعب موقف واحلى موقف

:hea?rt: :hea?rt: :hea?rt:
:hea?rt: :hea?rt: اصعب موقف واحلى موقف :hea?rt:

حياتنا مواقف ودروس بس فى موقف لما تعقد مع نفسك تفتكره

موقف حلو ومر موقف تتمنى لو رجع الزمن يرجع تانى ويتعاد

كتير لما بسال الناس اصحابى ايه احلى موقف مر بيك تلاقيه يحتار ويفكر

وفى الاخر يقول مفيش وتسال ايه المواقف المرة تلاقى فى ثوانى حكى

كل واحد يقول احلى موقف واصعب موقف وانا هابتدى

احلى موقف هم اتنين الصراحة اول واحد

كنت فى سنة اولة ثانونى وجبت درجات وحشة الترم الاول

وبابا حلف بالطلاق لو عدت السنة هايقص شعرى زى الولد

ولونجحت هايدينى خمسين جينه وعلى فكرة الخمسين جنيه ساعاتها كتير

المهم روحت اجيب النتيجة انا وماما وطول ما انا فى العربية بتدعى اجيب ملحق واخد علقة بس

واول ماروحنا شوفنل الملاحق ومالقيتش اسمى وفضلت تعيط وانا وشى اصفر

وقالونا مافيش فايدة نشوف الساقطين والمفاجاة انه مفيش وعرفت انى نجحت

هى عيطت اوى وانا رجلى مااستمحلتش وعيط والناس تقولها ملحق وهاتنجح فيه ولما يعرفوا انى

نجحت يضحكوا :sus544545pect:

ويمشوا بابا بقى ماصدقش وطلع يوزع على الناس اي كريم كبير والله كل الناس حتىالماشين وطبعا

ادينى الخمسين

جنيه كنت بحمد ربنا وكنت فرحانة اوى ده اول موقف

تانى موقف كنت بعمل المعادلة وكل الناس قالوا مش هانجح وبلاش تعمليها دة صعبة وانا اتحدىت
الكل

وبامانة ذاكرت كويس كنت اول مرة اكون عايزة حاجة وهاعملها حتى لو الدنيا وقفت قدامى

وعملتها كنت ماشية وراء المقولة اسعى ياعبد وانا اسعى معاك كنت بذاكر فى الشغل واطلع اخد

المحاضرات

وارجع الشغل والحمد لله نجحت وكانت فرحة مابعدها حاسيت انى فى السماء واتكدت لو عايزة

حاجة هاخدها

بجد دول احلى مواقف مروا فى حياتى ولما افتكرها اضحك حتى لوكنت ببكى
:heaببrt: :heaببrt: :heaببrt:

ياريت تشاركوا معايا فى المواقف بتاعتكم انتوا كمان
:heaببrt: :heaببrt: :heaببrt: :heaببrt:

هههههههههههههههه
لا بجد مواقف تضحك
وعجبتنى اوى حكم باباكى عليكى بتاع حلق شعرك ده
ههههههههههههههههه
انا بقى فاتت عليه مواقف كتيرة جدا المعظم منها كان كويس الحمد الله وقليل كان صعب
بس انا من عادتى مبفتكرش الى فات
يعنى انا مش فاكر ايه حصل امبارح اصلا
بس مهما فاتت عليه مواقف صعبة وكنت بفكرها انها اصعب مواقف عليه فى حياتى كل ده نسيته
قدام موقف واحد مر عليه ومستحيل انساه طول عمرى يمكن محدش هيحس بيه الا واحد يكون مر بيه معايا
وهو اول يوم ليه فى مركز التدريب لما دخلت الجيش
حقيقى كان اصعب يوم مر عليه فى حياتى يوم ربنا مايرجعه تانى
يوميها خرجت من بيتنا الساعة واحدة بالليل عشان اروح مركز التوزيع مكنتش طبعا نمت لسة
روحت اتوزع وعرفت انى هروح مركز تدريب واحد مشاه دهشور
ولو تعرفو حاجة فى الجيش المركز ده معروف انه اصعب مركز على مستوى القوات المسلحة كلها وربنا رزقنى بيه
طبعا فضلنا طول اليل للصبح فى الطريق واتوزعنا وروحت المركز ومحكيش ليكم على المأساه الى حصلت
اكيد الى دخلو الجيش عارفينها بس اقل مأساه فيها اننا منمتش ولا شوفت سرير غير تالت يوم
بس الحمد الله الايام دى فاتت على خير وانا لسة حى وممتش
اما احلى موقف بقى والله حقيقة مش فى بالى اى موقف الوقتى لو افتكرت حاجة هبقى احيكيلكم

ههه ههه ههه ههه ههه
الله عليك دة مواقف على قد ماكان وقتها صعبة بعد كدة تفتكرها هاتضحك
ميرسى على مرورك