انا آسف ومتأسف لأني كنت مغرم فيك
--------------------------------------------------------------------------------
أنا آسف ومتأسف لأني كنت مغرم فيك
أعاتب قلبي الحساس لأنه ماعرف يختار
صحيح إني أحبك بس عقب اليوم أنا مابيك
أنا مابيك دامك شخص خاين حبي وغدار
عزيز النفس مايخضع لحبك لا ولا برجيك
عنيد وماأحب الذل مهما كانت الأقدار
بعد هاليوم لاتسأل تراني شخص لا يعنيك
ولا تعنيلي وبنساك وخل الحب للتذكار
تفضل وابتعد لاعاد تطريني ولا بطريك
وإذا باقي عذر مابيه مابي زايف الأعذار
خطاي إني وفيت بقلب صادق يحبك ويغليك
وخطاك إنك نسيت إن الزمن ياظالمي دوار
يجيلك يوم وبتندم على همك وهو يشكيك
مصيرك للرجوع تذل نفسك والدموع كثار
ولكن لو رجعت وقلت إن فراقنا يشقيك
تأكد هالعناوين القديمة ماتجيب أخبار
أبطوي صفحة الماضي وبطفي نوري وبطفيك
كأنه ماعرفنا الحب كأنه ماحصل أو صار .. !!
منقووووووووووووووووول
موضوع: انا آسف ومتأسف لأني كنت مغرم فيك 
الخميس 13 نوفمبر 2008, 7:12 pm
