ويش ابو الدرويش

ويش يا ابو الدراويش

فى القطر وانا رايح الكليه
معايا الشنطه وشوية قراقيش
القاهرةالمحطه الجايه
لسه يا استاذ ما تصدعنيش
هو ليه بيكلمنى كده؟
معذور اصله ما يعرفنيش
ده انا رابع الجمهوريه
ودكتور بكره زى يلاقيش بعد ساعات وصلت
يا ريت يا قطر ما وصلتنيش
تاكسى ... المدينه؟
تعالا بس حاخد اربع ملاطيش خد ملايه وكسوة مخده
انا شكلى غلطت ورحت الجيش
اول يوم فى الكليه
بنطلون وقميص غيرهم ما عنديش جرونى جر ع المحاضره
وعملولنا حفلة تطفيش
شفت البنته والولاد
على بعض لخبطيش
اللى شعره سبايكى
واللى عامله كرانيش
بنت لابسه برمودا
والبودى يبين ما يداريش
من بين ده كله
واحده بس ما تتنسيش
قالوا احكى عنها
قلت عنها ما يتحكيش
بيس يا نجم
نجم مين؟ انا اسمى درويش
يوم ...... شهر... سنه
دخلت فى الموود
درويش اتغير بقى اسمه ويش
رحت اكلمها
سلمت وانا منفوش الريش
ممكن نتعرف؟
هو انت لسه ما تعرفنيش بحبك بحبك
وانا غيرك ماليش تعالى نروح السينما
ولا نتمشى ع الكورنيش امتحان الشفوى بكره
يا عم كبر واديها تطنيش ما تشد حيلك شويه
ابعد عنى انا عاوز اعيش
حتى لو زاكرت
غير الصفر ما هيدونيش
النتيجه ظهرت
ايه الاخبار ياويش؟
بسيطه مادتين
سبتمبر فيه تغشيش
انا جالى عريس
عن ازنك ما تعطلنيش
سنه اتنين عشره
القطر هو هو
بس من غير القراقيش القاهرة المحطه الجايه؟
لسه يا استاذ متصدعنيش
ما زعلتيش ليه؟
اصل الحلم طلع على مافيش
كنت رابع الجمهوريه
دلوقتى واحد من الحرافيش