مهزلة جديدة لـ (نظيف) !!!

مهزلة جديدة لـ (نظيف)

رئيس الحكومة يأمر كل أسرة بتسجيل اسمائها فى الرقم القومى كشرط للحصول على الخبز

احمد نظيف كتب ـ ناصر فياض:

أقرت الحكومة أمس خطة جديدة للقضاء علي اختناقات الخبز. تقضي الخطة بتسجيل المواطنين من خلال الرقم القومي، وتحديد احتياج كل اسرة يوميا من الخبز وتصميم شبكة جديدة لتوزيع الخبز علي المواطنين، وتوزيع حصص الدقيق علي المخابز، وتوزيع القمح علي المطاحن وتطوير الصوامع. وأكد الدكتور مجدي راضي المتحدث باسم الحكومة ان مجلس المحافظين امس برئاسة د. أحمد نظيف رئيس مجلس الوزراء وافق علي الخطة الجديدة وتم تفويض المحافظين بتنفيذها بدءا بتسجيل كل اسرة »مرة واحدة« عن طريق الرقم القومي.

وأشار إلي أن المجلس استعرض برامج الرقابة علي المخابز وضمان وصول الخبز إلي القري المحرومة من الخبز المدعم. واوضح ان المجلس ناقش تقارير حول ازمة انفلونزا الطيور والزيادة السكانية وتعزيز اللامركزية.

المصدر: الوفد

وتتوالى انجازات عمو نظيف حتى تشمل الخبز والفنونزا الطيور عمو نظيف عاوز ينظف البلد من انفلونزا الطيور ومن الطيور كمان مش بس من الطيور ومننا احنا كمان لازم البلد تكون نظيفة

بس نرجع ونقول اطيعو الله واطيعو الرسول واولى الامر منكم
بس تعرف يا ايمن الى رحم عمو نظيف منى ايه ان فى بنات بتدخل معانا هنا والله هو ده الى تاعبنى انا عاوز اعمل منتدى خاص بالرجال
ماعلينا على العموم على رأى كابتن لطيف الجيات اكتر من الريحات
وطول مفى عمو نظيم متشيلش هم البقع

انا مش هينفع اقول اكتر من ........... الصمت أكثر راحة من الكلام

بلاها عيش دة حتى بيتخن دة عمو نظيف خايف عليكوا يا ولاد

انتى رايك كدا يا سوكه انه خايف علينا
بقولك ايه انتى راجعة اساسا بعد الامتحانات دى مقلبوة علينا ليه انتى بقيتى تبعهم ولا ايه
ناقص كمان تقولى هو الى رفع سعر الزيت عشان خايف علنا من الكلوسترول

ورافع سعر اللحمة عشان خايف علينا من انيميا البروتينات

بس الى متأكد منه انه رفع سعر الجاز والبنزيم عشان الاجرة تزيد عشان النس ترتاح فى بيوتها ومتخرجش فى الشمس تقوم تجيب ليهم صداخ ياخدو ضربة شمس يقومو يروحو المستشيفات الحكومى عشان هية الى رخيصة
ياخدو علاج ببلاش
طبعا هتأثر فى ميزانية الدولة

شوفو عمو نظيف خايف علينا قد ايه
عالم بتفكر صح

اعقل يا ابو سامى كدة وارسى عشان فى حركة مش طبيعية اليومين دول

اها عارفها الحركات دى
اكيد تقصدى حكة الترقيات
على فكرة انا زى طلعت زكريا بالظبط انتخبت الريس مرتين
مرة الصبح ومرة قبل الاكل

يا ستنى سيبيها لله العمر واحد والرب واحد
هنعيش فيها نعمل ايه

يا سيدى هتعيش عشان تنورلنا المنتدى على رأيك العمر واحد والرب واحد

ربنا يخليكى المنتدى منور بيكى وبعدين متقلقيش لو مت هنموت كلنا سواء والمنتدى مش هيبقى فيه حد يعنى ينور يضلم متبقاش تفرق بعد كدا

يا نعيش مع بعض حبيبى يا نموت احنا الاتنين دة هيبقى شعار المنتدى

لا وحياتك ده شعار الدولة بعد كدا هيبقى
يانموت من الجوع يا حبيى يا نسرق احنا الاتنين

حلو قوى عشان الحق ادرب الاولاد

حسبى الله ونعم الوكيل

هو انا نفسى اعرف حاجة واحدة
هى الحكومة شغالة عند مين ؟
ولا احنا اللى شغالين عندها
فى القانون زمان كانوا بيشرحوا لنا الدستور ويقول ان الحكومة من الشعب وتعمل لصالح الشعب
والشعب هو مصدر السلطات
وان االشعب هو الذى يختار رئيس الجمهورية فى انتخابات حرة نزيهة
ويختار نواب يمثلون عنه فى مجلس الشعب يعملون لصالحه
ممكن اعرف هو مين الشعب ؟
ولا الشعب ده فين ؟
ولا هما كانوا يقصدو شعب تانى خالص

طبعا يا وحيد فى اتخابات نزيهة والحكومة للشعب
هو انته شايف حاجة غير كدا

وحيد بيه

مين اللى سمحلك تفكربالاسلوب ده

نحن شعب مسير مش مخير

و ملناش حق إننا نتكلم أبدا

يعنى احنا الشعب المقصود
كنت فاكرهم بيتكلموا على شعب تانى

لا يا باشا

هو فى شعب ذيينا فى العالم

يا عم ده اللى عندهم حروب

و حال البلد زفت

محافظين على حقوق الانسان شوية عن هنا