اذا كان رب البيت بالدف ضارب فشيمة اهل البيت الرقص!!!!

قبل اى شيئ الموضوع حساس
فمش هقول اسم الشخصية عشان منروحش كلنا فى داهية
والحدق يفهم
هل من المعقول انه/انها اكبر من(000) سنة والشعر اسود ومفيش اى اثر لتجعيد او عوامل الزمن
هل من المعقول انه/انها فى الموقع الحساس هذا ويلجأ/تلجأ لعمليات التجميل!!!!؟؟؟؟؟
هل من المعقول انه/انها يصرفون الاموال الطائلة على هذه العمليات التى لا تفيد من في موقعه/موقعها بشئ و(00000)يتضورون جوعا!!!!؟؟؟؟؟؟؟؟
اذا كانت هذة الشخصية تفعل ذلك فهل نلوم على نانسى وروبى!!!!!!!؟؟؟؟؟؟؟
بعد كدة اى جرح من جراح العرب هنداويه فى مستشفى تجميل!!!!!
اللى يفهم يرد من غير ما يفضحنا

حاسس بريحة سياسة يا سوكا
حاسس انك بتتكلمى على حسنى مبارك او سوزان مبارك
يا سوسة
اولا :
المهم المنتدى مفتوح للاراء الحرة ولا توجد رقابة طالما ان الكلام لا يتعدى حدود الادب
ثانيا : مقتنع برايك مليون فى الميه ونفسى اشوف شعرة بيضاء وسط شعر حسنى مبارك او سوزان
بس انا راى مختلف عنك
ان الرئيس مش بيروح يعمل عمليات تجميل فى الخارج او حاجة
انما لون الشعر الاسود فده صبغة معروفة من زمان جدا
تركيبة معروفة لو عايزة تعرفى المقادير بتاعتها
اقولك عليها
1 - هاتى مجموعة من دماء الشعب المصرى يكونوا غرقانين ( عبارة الموت )...؟
2 - هاتى كمان مجموعة من دماء الشعب المصرى يكونوا محروقين ( قطار الصعيد - حادث حريق مسرح الصعيد ) ... ؟
3 - هاتى مجموعة من دماء الشعب المصرى الجعانين ( دول بقى على قفا من يشيل فى شمال مصر وجنوبها مفيش اكتر منهم )
4 - هاتى مجموعة من دمائ الشعب المصرى المظلومين ( ادخلى السجون وهتلاقى الكثير منهم وخصوصا اخوان مسلمين ) ...؟
5 - هاتى مجموعة من دماء الشعب المصرى الشهداء ( على حدود سيناء مع اسرائيل جنود بتموت هباء وشعب عزل مصريين بيموتوا هباء وال ايه رصاصات خطأ وللاسف لا مجيب ولا احد من الحكومة يطلب الثأر للكرامة ) ... ؟
6 - بعد كل ده جمعى كل الدماء دى واخلطيهم ببعض وحطيهم على راس اى حد وشوفى هتبقى راسه ايه اكيد هتبقى سودا جدا جدا جدا واخرته هتبقى اسود
عرفتى ليه شعره اسود

ماش يا وحيد سوكا سوكا مش مهم البركة فى لوكلوك
المهم يا سيدى انا بحيك على زكائك وقريب انا وانت هنلبس اسورة واحدة وعلى امن الدولة عدل
وانا حقيقى برفع القبعة وانحنى احتراما وتقديرا لكلامك اللى بجد لمس الحقيقة المرة ووجعنى اوى
بجد يسلم لسانك

السجن للجدعان يا سوكا

انا ماليش دعوة بالناس دى ياعم الحج ولا اعرفهم
وبعدين ياسوكا انتى اللى شردتى لنفسك انا ماليش دعوة الراجل بيقولك ياسوسه مش ياسوكا

وحياة الغالية يا وحيد انت ولحن مرة واحدة مش هنلاقيكم فى المنتدى نيجى ندور عليكم يقولو اختفو ومش عارفين راحو فين بس انا اكيد هكون عارف